"కార్న్‌ వెజ్‌ రోల్స్‌" తయారీ విధానం
Recipes | Suryaa Desk | Published : Wed, Sep 21, 2022, 03:21 PM
కావలసిన పదార్థాలు:
గోధుమ పిండి: రెండు కప్పులు, స్వీట్‌ కార్న్‌: అర కప్పు, ఉల్లిపాయ: చిన్నది, క్యాప్సికమ్‌, క్యారెట్‌ తురుము: అరకప్పు, సోయా సాస్‌: పావు టీస్పూన్‌, చిల్లీ సాస్‌: ఒక టీస్పూన్‌, అజినమొటొ: చిటికెడు, మిరియాలపొడి: చిటికెడు, టమాటా సాస్‌: ఒక టీస్పూన్‌, కొత్తిమీర తరుగు: కొద్దిగా, ఉప్పు: తగినంత, పచ్చిమిర్చి: రెండు,
నూనె: సరిపడా
తయారీ విధానం:
గోధుమపిండిలో చిటికెడు ఉప్పు వేసి, తగినన్ని నీళ్లు కలుపుకొంటూ చపాతీ పిండిలా తడిపి పక్కన పెట్టుకోవాలి. స్వీట్‌ కార్న్‌ని ఆవిరి మీద ఉడికించి పెట్టుకోవాలి. పాన్‌లో నూనె వేడి చేసి సన్నగా తరిగిన ఉల్లిపాయ, నిలువుగా చీల్చిన పచ్చిమిర్చి వేసి కాస్త మెత్తబడే వరకు వేయించాలి. తర్వాత క్యారెట్‌, క్యాప్సికం తురుము వేసి వేయించాలి. అన్నీ బాగా వేగాక సోయా సాస్‌, చిల్లీ సాస్‌, టమాటా సాస్‌, తగినంత ఉప్పు, అజినమొటొ, మిరియాలపొడి, కొత్తిమీర వేసి కలిపి మరో రెండు నిమిషాలు వేగనిచ్చి దింపేయాలి. పక్కనపెట్టిన పిండితో చపాతీలు చేసుకోవాలి. వేడివేడి చపాతీ మధ్యలో కూరపెట్టి రోల్స్‌లా చుట్టుకుంటే కార్న్‌ వెజ్‌ రోల్స్‌ రెడీ!
|
|