ట్రెండింగ్
రిటైర్డ్ రైల్వే ఉద్యోగి నిజాయితీ
Andhra Pradesh Telugu | Suryaa Desk | Published : Fri, Nov 18, 2022, 12:27 PM
ఒక ట్రాక్టర్ డ్రైవర్ సెల్ ఫోను, నగదు పోగొట్టుకోగా అది దొరికిన రైల్వే రిటైర్డ్ ఉద్యోగి నిజాయితీగా వాటిని ఆయనకు అందజేశారు. గురువారం సాయంత్రం పెదగంజాం గ్రామానికి చెందిన ట్రాక్టర్ డ్రైవర్ వసంతరావు చిన్నగంజాం నుండి తన ఊరికి వెళుతుండగా మార్గమధ్యంలో సెల్ ఫోను, 4 వేల రూపాయలు నగదు జారిపోయాయి.
అదే సమయంలో ఆ దారిన వస్తున్న రిటైర్డ్ రైల్వే ఉద్యోగి నాగమల్లేశ్వరరావుకు అవి దొరికాయి. కాగా ఇంటికి వెళ్ళాక వసంతరావు సెల్ ఫోను, పర్సు లేని విషయం గమనించి తన మొబైల్ నెంబర్ కు ఫోన్ చేశాడు. ఫోన్లో వసంతరావు తో మాట్లాడిన మల్లేశ్వరరావు తన వద్ద ఉన్నాయని చెప్పాడు. దీంతో వసంతరావు చిన్నగంజాం రాగా మల్లేశ్వరరావు సెల్ ఫోను, నగదును ఆయనకు అందజేశారు. మల్లేశ్వరరావు నిజాయితీ ని పలువురు అభినందించారు
|
|