ముస్లిం మైనార్ల వివాహానికి...ఫోక్సో చట్టం మినహాయింపు కాదు

ముస్లిం మైనార్ల వివాహానికి ఫోక్సో చట్టం మినహాయింపు కాదని కేరళ హైకోర్టు స్పష్టంచేసింది.  ముస్లిం పర్సనల్ లా ప్రకారం మైనర్లు వివాహం చేసుకోవచ్చా? అనే అంశంపై కేరళ హైకోర్టు స్పష్టతనిచ్చింది. ముస్లిం పర్సనల్ లా (షరియత్) ప్రకారం మైనర్ల వివాహాన్ని పోక్సో చట్టం నుంచి మినహాయించలేదని స్పష్టం చేసింది. వధువు లేదా వరుడు మైనర్ అయితే వివాహంతో సంబంధం లేకుండా పోక్సో చట్టం కింద నిబంధనలు వర్తిస్తాయని తేల్చిచెప్పింది. ఈ మేరకు జస్టిస్ బెచు కురియన్ థామస్ సింగిల్ బెంచ్ తీర్పు వెలువరించింది. ‘‘చిన్నారులకు లైంగిక నేరాల నుంచి రక్షణ కల్పించేందుకు పోక్సో చట్టాన్ని ప్రత్యేకంగా రూపొందించారు.. పిల్లలపై ప్రతి స్వభావంతో కూడిన లైంగిక దోపిడీ నేరంగా పరిగణించబడుతుంది. చట్టం నుంచి మైనర్లు వివాహం మినహాయించలేదు’’ అని జస్టిస్ కురియన్ వ్యాఖ్యానించారు.

‘‘పోక్సో చట్టం ఒక ప్రత్యేక చట్టం. సామాజిక ఆలోచనా విధానంలో సాధించిన పురోగతి, పురోగమనంతో అమలులోకి వచ్చింది. ఈ ప్రత్యేక చట్టం చిన్నారుల పట్ల దుర్వినియోగానికి సంబంధించి న్యాయపరంగా ఉత్పన్నమయ్యే సూత్రాల ఆధారంగా రూపొందించారు.. దుర్బలమైన, మోసపూరితమైన, అమాయక పిల్లలను రక్షించడానికి ఈ చట్టం పుట్టుకొచ్చింది.. వివాహంతో సహా వివిధ మార్గాల్లో లైంగిక దాడుల నుంచి పిల్లలను రక్షించే చట్టం ఉద్దేశం చట్టబద్ధమైన నిబంధనల స్పష్టంగా కనిపిస్తుంది’’ అని వ్యాఖ్యానించారు.

బాల్య వివాహాలు మానవహక్కుల ఉల్లంఘన కిందకు వస్తాయని కోర్టు ఈ సందర్భంగా గుర్తుచేసింది. ‘‘బాల్యవివాహం పిల్లల ఎదుగుదలను వారి పూర్తి సామర్థ్యంతో రాజీ చేస్తుంది.. ఇది సమాజానికి శాపం. ఫోక్స్ చట్టం ద్వారా ప్రతిబింబించే శాసన ఉద్దేశం వివాహం ముసుగులో కూడా పిల్లల శారీరక సంబంధాలను నిషేధించడం. సమాజం ఉద్దేశం కూడా ఒక చట్టం తరచూ చెప్పుకునే ప్రజల అభిరుచి వ్యక్తీకరణ లేదా ప్రతిబింబం.. పై చెప్పిన ఉద్దేశాన్ని నెరవేర్చడానికి పోక్సో చట్టం సెక్షన్ 2(డి)లో 18 ఏళ్ల కంటే తక్కువ ఉన్నవారు ఎవరైనా ‘చైల్డ్’ అనే పదాన్ని నిర్వచించింది’’ అని కోర్టు పేర్కొంది.

‘‘పర్సనల్ లా, కస్టమరీ చట్టాలు రెండే చట్టాలే.. సెక్షన్ 42ఏ అటువంటి చట్టాలను కూడా భర్తీ చేయాలని భావిస్తోంది.. కాబట్టి పోక్సో చట్టం అమల్లోకి వచ్చిన తర్వాత పెళ్లి ముసుగులో అయినా పిల్లలతో లైంగిక సంపర్కం నేరం’’ అని అభిప్రాయపడింది. ఓ మైనర్ బాలికను కిడ్నాప్ చేసి అత్యాచారానికి పాల్పడినట్టు ఆరోపణలు ఎదుర్కొంటున్న 31 ఏళ్ల ముస్లిం వ్యక్తి బెయిల్ పిటిషన్‌‌పై విచారణ సందర్భంగా కోర్టు ఈ వ్యాఖ్యలు చేసింది. నిందితుడి బెయిల్ పిటిషన్‌ను కొట్టివేసింది. అయితే, ముస్లిం పర్సనల్ లా చట్టాల ప్రకారం చెల్లుబాటయ్యేలా 2021 మార్చిలో ఆ అమ్మాయిని పెళ్లి చేసుకున్నానని వాదించాడు.