ట్రెండింగ్
ముత్తంగి అలంకారంలో రామయ్య దర్శనం
Bhakthi | Suryaa Desk | Published : Mon, Nov 21, 2022, 01:17 PM
భద్రాచలం శ్రీసీతారామచంద్ర స్వామి వారి దేవస్థానంలో సోమవారం రామయ్యకు ప్రత్యేక పూజలు జరిపారు. సోమవారం సందర్భంగా స్వామి వారు ముత్తంగి అలంకారంలో భక్తులకు దర్శనమిచ్చారు. ఆలయ తలుపులు తెరిచి స్వామి వారికి సుప్రభాతసేవ నిర్వహించారు. అనంతరం ఆరాధన, సేవాకాలం, నిత్య బలిహరణం తదితర నిత్యపూజా కార్యక్రమాలు యధావిధిగా జరిపారు. ముందుగా విశ్వక్సేన ఆరాధన, కర్మణఃపుణ్యాహవాచన చేసి స్వామి వారికి కంకణధారణ, యజ్ఞోపవీత ధారణ, అమ్మ వారికి కంకణధారణ యోక్త్రధారణం తదితర కార్యక్రమాలతో రామయ్యకు నిత్యకళ్యాణం జరిపారు. ఈ కార్యక్రమంలో ఆలయ అధికారులు, సిబ్బంది తదితరులు పాల్గొన్నారు
|
|