ట్రెండింగ్
మార్కెట్ యార్డ్ ఛైర్మన్ రేసులో..
Andhra Pradesh Telugu | Suryaa Desk | Published : Sun, Dec 11, 2022, 12:49 PM
అద్దంకి మార్కెట్ యార్డ్ ఛైర్మన్ విషయంలో రోజు రోజుకి నాటకీయ పరిణామాలు శరవేగంగా మారుతున్నాయి. చైర్మన్ రేసులో కొరిసపాడు మండలం మేదరమెట్ల గ్రామానికి చెందిన జజ్జర ఆనందరావు పేరు ఆదివారం అనూహ్యంగా తెరపైకి వచ్చింది. మొన్నటికి మొన్న ఆనందరావు టిటిడి చైర్మన్ వై. వి సుబ్బారెడ్డి ని కలిసి తనకు అవకాశం కల్పించాలని కోరటంతో సుబ్బారెడ్డి కూడా సముకుత వ్యక్తం చేసినట్లు సమాచారం. దీనికి తోడు అద్దంకి ఇంచార్జ్ బాచిన కృష్ణ చైతన్యను కూడా ఆనందరావు కలిసి తనకు అవకాశం కల్పించాలని కోరినట్లు మండలంలో జోరుగా ప్రచారం సాగుతోంది. ఆనందరావు గతంలో మెదరమెట్ల గ్రామపంచాయతీ సర్పంచ్ గా చేయడం, జిల్లా ఎస్సీ సెల్ అధ్యక్షుడిగా చేసిన అనుభవం ఉండటం, మొదటినుంచి పార్టీకి కష్టపడి పని చేయడం ఆనందరావుకు కలిసి వస్తాయని ఊహాగానాలు బలంగా వినిపిస్తున్నాయి.
|
|