ట్రెండింగ్
ఏపీ ప్రభుత్వం కీలక నిర్ణయం
Andhra Pradesh Telugu | Suryaa Desk | Published : Tue, Dec 13, 2022, 11:19 AM
గ్రామ/వార్డు సచివాలయ వ్యవస్థకు కొత్తగా చట్టం తీసుకొస్తూ ఏపీ ప్రభుత్వం సోమవారం ఆర్డినెన్స్‌ జారీ చేసింది. దీంతో గ్రామాలు, పట్టణాల్లో ఇప్పటికే అమలులో ఉన్న ఏపీ పంచాయతీరాజ్‌ చట్టం, ఏపీ మునిసిపాలిటీ, మునిసిపల్‌ కార్పొరేషన్‌ చట్టం తరహాలోనే సచివాలయ వ్యవస్థకు కూడా చట్ట రూపం వచ్చింది. రాజ్యాంగంలోని 11, 12 షెడ్యూళ్లలో పేర్కొన్న ప్రకారం ప్రజల కేంద్రంగా ప్రభుత్వ సేవలు, ఇతర సదుపాయాలను అందించేందుకు చట్టం ద్వారా గ్రామ/వార్డు సచివాలయాల పేరుతో వ్యవస్థకు శ్రీకారం చుడుతున్నట్టు ఆర్డినెన్స్‌ లో పేర్కొన్నారు. వచ్చే శాసనసభ సమావేశాల్లో ఈ ఆర్డినెన్స్‌కు చట్టసభల ఆమోదం తీసుకునే అవకాశం ఉంది.
|
|