వాలీబాల్ టోర్నీ విజేత వెలిదండ్ల జట్టు
Andhra Pradesh Telugu | Suryaa Desk | Published : Wed, Jan 11, 2023, 10:38 AM
పులివెందుల పట్టణంలోని సీఎస్ఐ చర్చి క్రీడా మైదానంలో మంగళవారం స్వామి వివేకానంద జయంతి పురస్కరించుకొని నిర్వహించిన వాలీబాల్ టోర్నీ విజేతగా వెలిదండ్ల జట్టు నిలిచింది. అంతకు మునుపు ఈ పోటీలను పులివెందుల డిఎస్పి శ్రీనివాసులు, వైఎస్సార్ సీపీ కడప పార్లమెంటరీ సెక్రటరీ సారెడ్డి చంద్రశేఖర్ రెడ్డి, మార్కెట్ యార్డ్ చైర్మన్ చిన్నప్పలు ప్రారంభించారు. ఈ పోటీలలో 13 వాలీబాల్ జట్లు పాల్గొనగా. అందులో వెలిదండ్ల , పులివెందుల సీఎస్ఐ సీనియర్ జట్టు ఫైనల్ కు చేరాయి. వెలిదండ్ల జట్టు విజయం సాధించి మొదటి బహుమతి కింద రూ. 3వేల నగదు తో పాటు మెడల్స్, మెమెంటోలను అందుకున్నారు. పులివెందుల సిఎస్ఐ సీనియర్ జట్టు రన్నర్స్ గా నిలిచి రూ. 2వేల నగలతో పాటు మెడల్స్, మెమెంట్ లను అందుకున్నారు. ఈ కార్యక్రమంలో సేవా సమితి అధ్యక్షుడు రాజు, న్యాయ నిర్ణీతలు శ్రీకాంత్ రెడ్డి, రవికుమార్, ప్రభాకర్ రెడ్డి, విక్టర్ , సేవా సమితి సభ్యులు పాల్గొన్నారు.
|
|