గుంటూరు రైల్వే డివిజన్‌ పరిధిలో...పలు ప్రత్యేక రైళ్లు

గుంటూరు రైల్వే డివిజన్‌ పరిధిలోని ప్రజల సౌకర్యార్థం ప్రత్యేక రైళ్లను కేటాయించినట్లు దక్షిణ మధ్య రైల్వే ప్రకటించింది. ఈ మేరకు డివిజన్‌ సీనియర్‌ డీసీఎం ఆంజనేయులు ఈ వివరాలు వెల్లడించారు. నరసాపూర్‌–యశ్వంత్‌పూర్‌ ప్రత్యేక రైలు (07153) ఈ నెల 18వ తేదీన మధ్యాహ్నం 3.10 గంటలకు నరసాపురం స్టేషన్‌ నుంచి బయల్దేరి అదే రోజు రాత్రి 7.50 గంటలకు గుంటూరు రైల్వే స్టేషన్‌కు చేరుకుని అక్కడి నుంచి మరుసటి రోజు ఉదయం 10.50 గంటలకు యశ్వంత్‌పూర్‌ స్టేషన్‌కు చేరుకుంటుందని తెలిపారు.

యశ్వంత్‌పూర్‌– నరసాపురం ప్రత్యేక రైలు (07514) ఈ నెల 19న కేటాయించినట్లు ఆంజనేయులు పేర్కొన్నారు. ఈ రైలు యశ్వంత్‌పూర్‌ స్టేషన్‌ నుంచి మధ్యాహ్నం 3.50 గంటలకు బయల్దేరి శుక్రవారం తెల్లవారుజాము 3.35 గంటలకు గుంటూరు స్టేషన్‌కు చేరుకుని, అక్కడి నుంచి ఉదయం 8.30 గంటలకు నరసాపుం స్టేషన్‌కు చేరుకుంటుందని తెలిపారు. యశ్వంత్‌పూర్‌– నరసాపురం రైలు (07156) ఈ నెల 20న మధ్యాహ్నం 2.20 గంటలకు నరసాపురం స్టేషన్‌ నుంచి బయల్దేరి అదే రోజు సాయంత్రం 6.25 గంటలకు గుంటూరు స్టేషన్‌కు చేరుకుని, అక్కడ నుంచి శనివారం ఉదయం 10.30 గంటలకు యశ్వంత్‌పూర్‌ స్టేషన్‌కు చేరుకుంటుందని వివరించారు.

యశ్వంత్‌పూర్‌– నరసాపురం రైలు (07517) ఈ నెల 21న సాయంత్రం 5.20 గంటలకు యశ్వంతపూర్‌ స్టేషన్‌ నుంచి బయల్దేరి మరుసటి రోజు తెల్లవారుజామున 5.30 గంటలకు గుంటూరు స్టేషన్‌కు చేరుకుని.. అక్కడి నుంచి అదే రోజు ఉదయం 10.30 గంటలకు నరసాపురం స్టేషన్‌కు చేరుకుంటుందన్నారు.

సికింద్రాబాద్‌– దిబ్రూగ్రహ్‌ రైలు (07046) వయా గుంటూరు డివిజన్‌ మీదుగా ఫిబ్రవరి 2, 9, 16, 23వ తేదీల్లో ప్రత్యేక రైలు కేటాయించినట్లు పేర్కొన్నారు. ఈ రైలు ఉదయం 11 గంటలకు సికింద్రాబాద్‌ స్టేషన్‌ నుంచి బయల్దేరి అదే రోజు మధ్యాహ్నం 3.50 గంటలకు గుంటూరు రైల్వే స్టేషన్‌కు చేరుకుని అక్కడి నుంచి బయల్దేరి శనివారం రాత్రి 8.50 గంటలకు దిబ్రూగ్రహ్‌ స్టేషన్‌కు చేరుకుంటుందని తెలిపారు. అలాగే ఫిబ్రవరి 5, 12, 19, 26వ తేదీల్లో మరో ప్రత్యేక రైలు (07047) కేటాయించినట్లు పేర్కొన్నారు. ఈ రైలు ఆదివారం రాత్రి 7.25 గంటలకు దిబ్రూగ్రహ్‌ స్టేషన్‌ నుంచి బయల్దేరి గుంటూరు రైల్వే స్టేషన్‌కు మంగళవారం రాత్రి 10.10 గంటలకు చేరుకుని, అక్కడి నుంచి బయల్దేరి మరుసటి రోజు తెల్లవారుజామున 4 గంటలకు సికింద్రాబాద్‌ స్టేషన్‌కు చేరుకుంటుందని వివరించారు.