ట్రెండింగ్
ట్రాక్టర్ ట్రాలీ బోల్తా.. తప్పిన పెను ప్రమాదం
Andhra Pradesh Telugu | Suryaa Desk | Published : Sat, Jan 21, 2023, 02:02 PM
చీరాల-వేటపాలెం బైపాస్ రోడ్డులో ఆర్టీవో కార్యాలయం సమీపంలో శుక్రవారం రాత్రి వడ్ల లోడ్ తో వేగంగా వెళుతున్న ఓ ట్రాక్టర్ టైర్ ఒక్కసారిగా పేలిపోవడంతో ఆ వాహనం అదుపు తప్పగా ట్రాలీ బోల్తా పడింది. అయితే ఆ సమయంలో ఆ చుట్టుపక్కల వాహనాలు లేకపోవడంతో పెను ప్రమాదం తప్పింది. అయితే అదృష్టవశాత్తు ఎవరికి ఏమీ కాలేదు. బాపట్ల మండలం కర్లపాలెం నుండి చీరాల మండలం వెళ్తున్న ట్రాక్టర్ ఈ ప్రమాదానికి గురైంది. ట్రాక్టర్ బోల్తాపడడంతో కాసేపు వాహనాలు రాకపోకలకు అంతరాయం ఏర్పడగా సంఘటనా స్థలానికి వచ్చిన పోలీసులు ట్రాఫిక్ ను క్రమబద్ధీకరించారు.
|
|