చంద్రబాబుపై కోపం బీసీలపై చూపించడం ఏంటీ: నారా లోకేష్

చంద్రబాబుపై కోపం ఉంటే బీసీలపై చూపించడం ఏంటని వైసీపీ ప్రభుత్వంపై టీడీపీ జాతీయ ప్రధాన కార్యదర్శి నారా లోకేష్ మండిపడ్డారు. ఈ ప్రభుత్వం వచ్చిన తరువాత కురబలకు ఒక్క ప్రయోజనం కూడా జరగలేదని.. కార్పొరేషన్ ద్వారా ఒక్క లోన్ అందలేదన్నారు. కమ్యూనిటీ హాల్స్ నిర్మాణం ఆగిపోతే కురుబ కార్పొరేషన్ చైర్మన్ ఏమి చేస్తున్నారని.. టీడీపీ అధికారం వచ్చిన వెంటనే మూడు నెలల్లో భవనాల నిర్మాణం పూర్తి చేస్తామన్నారు.

నారా లోకేష్ పాదయాత్ర రెండో రోజు కుప్పం పీఈఎస్ మెడికల్ కళాశాల నుంచి ప్రారంభమైంది. పీఈస్ మెడికల్ కాలేజీ సమీపంలో నిర్మాణంలో ఆగిపోయిన వాల్మీకి, కురుబ కమ్యూనిటీ హాల్స్‌ని లోకేష్ పరిశీలించారు. గత టీడీపీ ప్రభుత్వ హయాంలో రూ.10 కోట్లతో నిర్మించ తలపెట్టిన వాల్మీకి, కురుబ కమ్యూనిటీ హాల్స్‌ని వైఎస్సార్‌సీపీ ప్రభుత్వం కక్ష పూరితంగా నిలిపివేసిందని బీసీలు ఆరోపించారు. కమ్యూనిటీ హాలును కబ్జాచేసి.. బెల్ట్ షాపు నిర్వహిస్తున్నారని.. ఆకతాయిలకు అడ్డాగా మారిపోయాయి అని ఆవేదన వ్యక్తం చేశారు.

వాల్మీకి, కురుబ కమ్యూనిటీ హాల్స్ నిర్మాణం ఆపేయడం దుర్మార్గం అన్నారు లోకేష్. చంద్రబాబుపై కోపం ఉంటే బీసీపీలపై చూపించడం ఏంటని మండిపడ్డారు. ఈ ప్రభుత్వం వచ్చిన తరువాత కురబలకు ఒక్క ప్రయోజనం కూడా జరగలేదని.. కార్పొరేషన్ ద్వారా ఒక్క లోన్ అందలేదన్నారు. కమ్యూనిటీ హాల్స్ నిర్మాణం ఆగిపోతే కురుబ కార్పొరేషన్ చైర్మన్ ఏమి చేస్తున్నారని.. టీడీపీ అధికారం వచ్చిన వెంటనే మూడు నెలల్లో భవనాల నిర్మాణం పూర్తి చేస్తామన్నారు. చరిత్రలో బీసీలకు రిజర్వేషన్లు తగ్గించిన సీఎం ఒక్క జగన్ మాత్రమే అన్నారు. 10 శాతం రిజర్వేషన్లు కట్ చెయ్యడం వలన బీసీలు స్థానిక సంస్థల్లో వేలాదిగా పదవులు కోల్పోయారన్నారు.

బీసీలకు జరుగుతున్న అన్యాయాలు అందరూ మాట్లాడాలన్నారు. పార్టీలో బీసీ సాధికార సమితి ఏర్పాటు చేశామని.. బీసీల ఆర్ధిక, రాజకీయ అభివృద్ది కోసం అండగా నిలుస్తామన్నారు. గతంలో కుప్పంలో ఎప్పుడూ ఇలాంటి రాజకీయాలు జరగలేదని.. కుప్పంలో జరుగుతున్న అరాచకాలకు పెద్ది రెడ్డే కారణం అని ఆరోపించారు. టీడీపీ కార్యకర్తల్ని ఇబ్బంది పెట్టే వారికి చక్ర వడ్డీ తో సహా చెల్లిస్తామని.. భయం తన బయోడేటాలో లేదు అన్నారు. మర్డర్ కేసు తో సహా అన్ని కేసులు నాపై పెట్టారు.. ఏం చేయగలరు అంటై ప్రశ్నించారు. తనపై మొదటిసారి కేసు పెట్టినప్పుడు బాధ పడ్డానని.. ఇప్పుడు అలవాటు అయిపోయింది.. అత్తగారింటికి వెళ్లినట్లుంది ఉందనడంతో అక్కడున్న వారంత నవ్వారు.

నారా లోకేష్ కడపల్లిలో పొలంలో పని చేసుకుంటున్న రైతు దంపతులు రాజమ్మ, ముని రత్నంని కలిశారు. తాము మొక్క జొన్న, టొమాటో పంటలు వేసి నష్ట పోయాం అంటూ దంపతులు ఆవేదన వ్యక్తం చేశారు. పెట్టుబడి పెరిగిపోతుంది, పండిన పంటకు కనీస ధర రాక ఇబ్బంది పడుతున్నామని.. అర ఎకరంలో వ్యవసాయం చేస్తున్నాం అంటూ వ్యవసాయంలో ఉన్న కష్టాలను వివరించారు. రూ.3 వేల కోట్ల తో ప్రత్యేక నిధి పెట్టి గిట్టు బాటు ధర కల్పిస్తాం అన్న జగన్ ఎక్కడని.. వ్యవసాయం చేసే రైతుకి సాయం అందడం లేదన్నారు. ఏ పంటకు గిట్టుబాటు ధర లేదని.. రైతుల మెడలో మీటర్లు ఉరి తాళ్ళు కాబోతున్నాయన్నారు. వైఎస్సార్‌సీపీ ప్రభుత్వ విధానాల వలన రైతులు క్రాప్ హాలిడే ఇచ్చే దుస్థితి వచ్చిందన్నారు.

గణేష్‌పురం క్రాస్ దగ్గర మహిళలు, స్థానిక రైతులతో నారా లోకేష్ మాట్లాడారు. నిత్యావసర సరుకుల ధరలు పెరిగి బతుకు భారం అవుతుంది మహిళలు.. మోటార్లు కు మీటర్లు బలవంతంగా పెడుతున్నారని రైతులు తమ బాధను చెప్పుకున్నారు. రాష్ట్రంలో విపరీతంగా పన్నులు పెంచేశారని.. ధరలు పెరిగాయన్నారు. సామాన్యులు బ్రతికే పరిస్థితి రాష్ట్రంలో లేదని.. కుడి చేత్తో పది రూపాయిలు ఇచ్చి ఎడమ చేత్తో వంద రూపాయిలు కొట్టేస్తున్నారన్నారు. రైతుల మెడలో మీటర్లు ఉరి తాళ్ల గా మారబోతున్నాయని.. మీటర్ల కొనుగోలు లో భారీ స్కాం జరిగిందని ఆరోపించారు.