ట్రెండింగ్
లైంగికంగా వేధిస్తున్నాడంటూ మహిళా పిర్యాదు
Andhra Pradesh Telugu | Suryaa Desk | Published : Wed, Feb 08, 2023, 12:51 PM
వైఎస్సాఆర్‌ క్రాంతిపథం డీఆర్‌డీఏ ఏపీఎం కె.సుబ్బారావు తనను లైంగికంగా వేధిస్తున్నాడంటూ మొవ్వ మండల మహిళా సమైక్య కార్యాలయంలో అకౌంటెంట్‌గా పనిచేస్తున్న జూనపూడి సునీత మంగళవారం కూచిపూడి పోలీస్‌ స్టేషన్‌లో ఫిర్యాదు చేశారు. గత నెల 23న రికార్డులు పరిశీలించే నిమిత్తం ఏపీఎం తనను పిలిపించి చెయ్యి పట్టుకుని లాగారని ఫిర్యాదులో పేర్కొన్నారు. తనను లైంగికంగా, మానసికంగా వేధిస్తున్న ఏపీఎంపై చర్యలు చే పట్టడంతోపాటు తనకు రక్షణ కల్పించాల్సిందిగా ఫిర్యాదులో కోరారు. ఇదే విషయమై గత ఐదు రోజుల క్రితం పీడీకి సైతం సునీత ఫిర్యాదు చేశారు. బాధితురాలు సునీతకు మహిళా సంఘాలు, మొవ్వ మండల మహిళా సమైక్య కార్యాలయ వీవోఏలు, సీఐటీయూ నేతలు మద్దతుగా నిలిచారు. సునీతకు న్యాయం చేయా లని, రక్షణ కల్పించాలని, ఏపీఎం సుబ్బారావును కఠినంగా శిక్షించాలని నినాదాలు చేశారు.
|
|