ట్రెండింగ్
చైన్‌ స్నాచింగ్‌ దొంగల హల్చల్
Andhra Pradesh Telugu | Suryaa Desk | Published : Thu, Feb 09, 2023, 02:50 PM
ప్రకాశం జిల్లా, పర్చూరులో ఇద్దరు దొంగలు చైన్‌ స్నాచింగ్‌కు పాల్పడటం కలకలం రేపింది. బుధవారం చీరాల ఆర్‌అండ్‌బీ రోడ్డులోని ఎస్‌మార్టు వద్ద నిలబడి ఉన్న మహిళ మెడలో గొలుసును లాక్కెళ్లేందుకు ఇద్దరు వ్యక్తులు ప్రయత్నం చేశారు. మహిళ కేకలు వేయటంతో బైక్‌పై నుంచి పరారయ్యారు. పర్చూరుకు చెందిన ఓ మహిళ డ్వాక్రా నగదు చెల్లించేందుకు స్థాని కంగా ఉన్న బ్యాంకుకు వెళుతున్న సమయంలో ఈసంఘటన చోటు చేసుకుంది. మహిళను వెంటాడుతూ బైక్‌పై వచ్చిన ఇద్దరు దొంగలు మహిళ మెడలోని చైన్‌ను లాగే ప్రయత్నం చేయగా చైన్‌ తెగి మహిళ జాకెట్‌లో పడిపోయింది. ఈక్రమంలో జాకెట్‌ కూడా చినిగి పోయింది. అదృష్టవశాత్తు బంగారు చైన్‌ దొంగల చేతికి దొరక పోవటంతో బాదిత మహిళ ఊపిరి పీల్చుకున్నారు. సమాచారం అందుకున్న పోలీసులు సమీపంలోని సీసీ పుటేజ్‌ల ఆధారంగా దొంగలను పట్టుకునే పనిలో ఉన్నారు.
|
|