రాజారెడ్డి రాజ్యాంగాన్ని అమలు చేస్తూ రా ష్ట్రాన్ని జగన్‌ సర్వనాశనం చేసాడు
Andhra Pradesh Telugu | Suryaa Desk | Published : Fri, Feb 17, 2023, 01:18 PM
వైసీపీ ప్రభుత్వం రాష్ట్రానికి పట్టిన ఐదేళ్ల శనిగా వైసీపీ పార్టీని టీడీపీ అధినేత చంద్రబాబు నాయుడు అభివర్ణించారు. ఇంతా చేసి ‘మా నమ్మకం నువ్వే జగన్‌’ అంటూ ఇంటింటికీ స్టిక్కర్లు వేయడానికి వస్తున్నాడు. అలా వస్తే ‘మా దరిద్రం నువ్వే జగన్‌’ అని ప్రతి ఒక్కరూ చెప్పాలి’ అని మాజీ సీఎం, టీడీపీ అధినేత చంద్రబాబు పిలుపిచ్చారు.రాజారెడ్డి రాజ్యాంగాన్ని అమలు చేస్తూ రా ష్ట్రాన్ని జగన్‌ సర్వనాశనం చేసేశాడని విరుచుకుపడ్డారు. కాకినాడలో రెండో రోజు పర్యటనలో భాగంగా గురువారం జగ్గంపేటలో టీడీపీ కార్యకర్తల సమావేశం లో పాల్గొన్నారు. అనంతరం జె.తిమ్మాపురం చేరుకున్నారు. అక్కడి నుంచి పెద్దాపురం వరకు భారీ రోడ్‌షో నిర్వహించారు. అనంతరం పెద్దాపురం బహిరంగ సభ లో ప్రసంగించారు. తర్వాత సామర్లకోట వరకు రోడ్‌ షో చేపట్టారు. ఆయా సందర్భాల్లో సీఎం జగన్‌ తీరు పై చంద్రబాబు ధ్వజమెత్తారు. వచ్చే ఎన్నికల్లో పేదలు, ధనికులకు మధ్య పోరాటమని జగన్‌ కల్లబొల్లి కబుర్లు చెబుతున్నాడని.. వాస్తవానికి దేశంలో ఆయనంత సంపన్నుడైన ముఖ్యమంత్రే లేరని చెప్పారు.
|
|