రోజు రోజుకి పెరిగిపోతున్న రోడ్ ప్రమాదాలు
Andhra Pradesh Telugu | Suryaa Desk | Published : Fri, Feb 24, 2023, 12:17 PM
కడప జిల్లా వ్యాప్తంగా గత ఏడాది ఆగస్టు నుంచి జనవరి చివరి వరకు 349 రోడ్డు ప్రమాదాలు జరిగాయి. ఇందులో 142 ప్రాణాంతకమైన ప్రమాదాలు కాగా.. 207 స్వల్ప ప్రమాదాలు జరిగాయి. ఈ ప్రమాదాల్లో 152 మంది మృత్యువాతపడగా, 61 మంది తీవ్రంగా గాయపడ్డారు. 337 మంది ఓ మోస్తారు గాయాలతో బయటపడ్డారు. గత ఏడాది ఆగస్టులో 63 ప్రమాదాలు జరిగాయి. 28 మంది చనిపోగా 19 మంది తీవ్రంగా గాయపడ్డారు. సెప్టెంబర్‌లో గరిష్టంగా 73 ప్రమాదాలు సంభవించగా.. 29 మంది చనిపోయారు. ముగ్గురు తీవ్ర గాయాల పాలయ్యారు. అక్టోబరులో జరిగిన 52 ప్రమాదాల్లో 23 మంది మరణించారు. 10 మంది తీవ్రంగా గాయపడ్డారు. నవంబరులో జరిగిన 55 ప్రమాదాల్లో 30 మంది చనిపోగా 13 మంది తీవ్రంగా గాయపడ్డారు. డిసెంబరులో జరిగిన 48 ప్రమాదాల్లో 23 మంది మృతి చెందగా 8 మంది తీవ్రంగా గాయపడ్డారు. జనవరిలో 58 ప్రమాదాల్లో 19 మంది చనిపోగా 8 మంది తీవ్రంగా గాయపడ్డారు.
|
|