పెళ్లిడు సమయంలో కూడా చంటి పిల్లాడిలా అలా పాలు తాగుతూ

ఇంగ్లాడు దేశంలో ఓ ఆసక్తికర అంశం వెలుగులోకిి వచ్చింది. సరైన వయసులో సరైన కార్యాలు జరగాలని పెద్దలు చెబుతుంటారు. ఆ మాటల వెనుక లోతైన అర్థం ఉంది. పెళ్లి అనేది మనిషి జీవితంలో ఓ కీలక ఘట్టం. ఆ అపురూప క్షణాలను మరింత మధురంగా మార్చుకోవాలని వధూవరులు భావిస్తారు. అయితే, కొన్ని పెళ్లిళ్లలో ముహూర్త సమయానికి కొన్ని గంటల ముందు చోటుచేసుకునే సంఘటనలు సంచలనంగా మారుతాయి. అలాంటి ఘటనే ఒకటి ప్రపంచాన్ని నివ్వెరపరుస్తోంది. పెళ్లి వేదిక వద్దకు చేరుకోవడానికి కొన్ని క్షణాల ముందు వాష్‌రూమ్‌కి వెళ్లిన వధువు అక్కడ షాకింగ్ దృశ్యాన్ని చూసింది. వరుడు నమ్మశక్యం కాని రీతిలో పట్టుబడ్డాడు. అతడి తల్లి అతడికి చనుబాలు ఇస్తోంది. పెళ్లి చేసుకునే వయసులో అతడు తల్లి పాలు తాగడం ఏంటి? అయినా, ఆ వయసులో ఆ తల్లి చనుబాలు ఎలా ఉత్పత్తి చేస్తోంది? ఆ దృశ్యం చూసిన తర్వాత వధువు ఏం చేసింది?

ఇంగ్లాండ్‌లో జరిగిన ఈ ఘటనకు సంబంధించిన వివరాలను పాపులర్ వెడ్డింగ్ ప్లానర్ ‘జార్జీ మిచెల్‌’ వెల్లడించారు. ‘ది అన్‌ఫిల్టర్డ్ బ్రైడ్’ పేరుతో ఆమె నిర్వహిస్తోన్న పోడ్‌ కాస్ట్‌లు మంచి ఆదరణ పొందుతున్నాయి. ఈ పోడ్ కాస్ట్‌లో ఓ ఎపిసోడ్‌లో ఆమె చెప్పిన వివరాలు ఇప్పుడు ఇంటర్నెట్‌ను షేక్ చేస్తున్నాయి. ఇందుకు సంబంధించిన వీడియో ఇంగ్లాండ్‌లో స్థానిక సోషల్ మీడియా ప్లాట్‌ఫాంలలో వైరల్ అవుతోంది. గోప్యత దృష్ట్యా ఆ వధూవరుల పేర్లు, ఫోటోలు, ఇతర వివరాలను మాత్రం బయటపెట్టలేదు.

అమెరికా, ఇంగ్లాండ్‌ లాంటి దేశాల్లో వెడ్డింగ్‌ ప్లానర్ల ద్వారానే పెళ్లిళ్లు జరుగుతూ ఉంటాయి. పెళ్లికి సంబంధించిన అన్ని కార్యక్రమాలు వారి కనుసన్నల్లోనే జరుగుతాయి. ఈ క్రమంలో పెళ్లి వేడుకల్లో చోటుచేసుకునే కొన్ని పిచ్చి పనులు, వింతలు వారికి తెలియకుండా పోవు. ఈ క్రమంలో ఈ సంచలన విషయం కూడా వెలుగులోకి వచ్చింది.

జెన్నీ అనే మేకప్‌ ఆర్టిస్ట్‌.. పెళ్లికుమార్తెను అందంగా ముస్తాబు చేసింది. పెళ్లి వేదిక వద్దకు వెళ్లే ముందు ఆ వధువు వాష్‌రూమ్‌కు వెళ్లింది. అక్కడి దృశ్యాన్ని చూసి షాక్‌ తిన్నది. వాష్‌రూమ్‌లో పెళ్లి కుమారుడు తల్లి చనుబాలను తాగుతున్నాడు. తనకు కాబోయే వరుడు అలా చేస్తాడని ఆమె అస్సలు ఊహించలేదు.

‘ఆ వయసులో ఆ తల్లి చనుబాలు ఎలా ఇవ్వగలుగుతోంది?’ - ఈ ఎపిసోడ్ కో-హోస్ట్ బెత్ స్మిత్ తన ఉత్కంఠను ఆపుకోలేక వెంటనే జార్జ్ మిచెల్‌ను ప్రశ్నించింది. ‘ఆమె అతడు పుట్టిన నాటి నుంచి రోజూ పాలివ్వడం అలా కంటిన్యూ చేస్తూ ఉండవచ్చు. లేకపోతే, అలా పాలు రావటానికి స్టెరాయిడ్స్‌ తీసుకుంటూ ఉండవచ్చు’ అని జార్జ్ బదులిచ్చారు.మరి, అమ్మాయి ఆ సీన్ చూసిన మరుక్షణం పెళ్లి ఆగిపోయిందా..? మరో ప్రశ్న వేశాడు స్మిత్. ‘లేదు.. అతడినే పెళ్లి చేసుకునేందుకు ఆ యువతి మొగ్గు చూపింది. అప్పటికీ తల్లిపాలు తాగుతున్న అతడే తనకు సరైన జోడి అని ఆమె భావించి ఉండవచ్చు’ అని జార్జ్ మిచెల్ చెప్పింది.

‘‘ఓహ్ హ్యాట్సాఫ్.. ‘మమ్మీస్ బాయ్’ని ఆమె మరో స్థాయికి తీసుకెళ్లింది’’ అంటూ ఓ నెటిజన్ కామెంట్ చేశారు. ‘వినేందుకే ఇది చాలా ఘోరంగా ఉంది. మోసం కాకపోతే మరేంటి?’ అని ఓ అమ్మాయి కామెంట్ చేసింది. ‘నేనైతే వెంటనే అక్కడ నుంచి పారిపోయేదాన్ని’ అంటూ మరో అమ్మాయి కామెంట్ చేసింది. ఎవరి అభిప్రాయాలు ఎలా ఉన్నా.. ఆ తల్లీ కొడుకుల స్వచ్ఛమైన ప్రేమను చూసిన వధువు, అతడిని చంటి పాపలా చూసుకోవాలని భావించి ఉండవచ్చు. ఏమో.. ఎవరికి తెలుసు?!