ట్రెండింగ్
రోడ్డు ప్రమాదం.. తప్పిన ప్రాణాపాయం
Andhra Pradesh Telugu | Suryaa Desk | Published : Mon, Feb 27, 2023, 12:01 PM
పుట్టపర్తి మండలంలో రోడ్డు ప్రమాదం ఉదయం జరిగింది. అయితే ప్రాణాపాయం తప్పింది. ఎస్సై బాబ్జాన్ తెలిపిన మేరకు వివరాలు. సత్యసాయి విద్యా సంస్థల్లో పిల్లలను చదివిస్తున్న తల్లిదండ్రులకు ఆదివారం పుట్టపర్తిలో పేరెంట్స్ మీటింగ్ నిర్వహించారు. ఈ సమావేశానికి హాజరు కావడానికి బెంగళూరుకు చెందిన ఓ కుటుంబం పుట్టపర్తికి వస్తుండగా బత్తలపల్లి గంటల మారెమ్మ కనుమ వద్ద ప్రమాదం చోటుచేసుకుంది. వాహనాన్ని అదుపు చేయలేక రక్షణ రెయిల్కి ఢీకొంది. కారు ముందు భాగం నుజ్జునుజ్జయింది. కారులో ప్రయాణించే వారికి ఎలాంటి ప్రమాదం జరగలేదని, కేసు నమోదు చేసి దర్యాప్తు చేస్తున్నట్లు ఎస్సై తెలిపారు. సాయంత్రం 7 గంటలైనా కారును అలాగే రోడ్డుకు అడ్డంగా వదిలేశారు. దీంతో మరో ప్రమాదం సంభవించే అవకాశం ఉందని, అధికారులు చర్యలు చేపట్టాలని వాహన చోదకులు కోరుతున్నారు.
|
|