ట్రెండింగ్
తల్లిమందలించిందని అలిగి వెళ్ళిపోయిన కొడుకు
Andhra Pradesh Telugu | Suryaa Desk | Published : Wed, Mar 08, 2023, 02:19 PM
మంగళగిరి -తాడేపల్లి నగరపాలక సంస్థ పరిధి యర్రబాలెం బసవతారక నగర్ కు చెందిన ఓ పదో తరగతి విద్యార్థి అదృశ్యమైన ఘటన మంగళవారం చోటు చేసుకుంది. సేకరించిన వివరాల ప్రకారం బసవతారక నగర్ కు చెందిన తొమటం ఆనందరాజు- భూలక్ష్మి దంపతుల కుమారుడు ఏసు నగర పరిధిలోని పెనుమాక జిల్లా పరిషత్ ఉన్నత పాఠశాలలో 10వ తరగతి చదువుతున్నాడు.
ఈ నేపథ్యంలో మంగళవారం మధ్యాహ్నం తన సోదరుని తో కలిసి సరదాగా ఇంట్లోనే ఆట ఆడుతుండగా గమ్ము బాటిల్ కిందపడింది. దీంతో తల్లి భూలక్ష్మి మందలించించగా మనస్థాపం చెందిన ఏసుబాబు అదేరోజు మధ్యాహ్నం 2: 30 సమయంలో అలిగి ఇంట్లో నుంచి ఎటో వెళ్లిపోయాడు. రాత్రి సమయమైనా ఇంటికి తిరిగి రాకపోవడంతో తల్లిదండ్రులు తమ కుమారుడు ఏసుబాబు ఆచూకీ కోసం వెతుకులాట ప్రారంభించారు. తమ కుమారుని అదృశ్యంపై మంగళగిరి రూరల్ పోలీసులకు ఫిర్యాదు చేయనున్నట్లు వారు తెలిపారు.
|
|