ట్రెండింగ్
పిడిఎఫ్ ఎమ్మెల్సీ అభ్యర్థి తరపున వినూత్న ప్రచారం
Andhra Pradesh Telugu | Suryaa Desk | Published : Wed, Mar 08, 2023, 04:26 PM
ఉత్తరాంధ్ర గ్రాడ్యుయేట్ ఎమ్మెల్సీ స్థానానికి పిడిఎఫ్ అభ్యర్థి గా పోటీ చేస్తున్న డాక్టర్ కోరెడ్ల రమాప్రభ విజయాన్ని కాంక్షిస్తూ సీతానగరం మండల సిఐటియు నాయకులు గవర వెంకటరమణ సైకిల్ యాత్ర మొదలుపెట్టారు. ఈయన మండలంలో పలు గ్రామాలలో సైకిల్ పై తిరుగుతూ పట్టభద్రులను, ఉద్యోగ, ఉపాధ్యాయులను కలుస్తూ రమాప్రభ గెలుపు ఆవశ్యకతను వివరిస్తున్నారు. ఉత్తరాంధ్ర వాణి మండలిలో వినిపించాలంటే ఉత్తరాంధ్ర సమస్యలు పరిష్కరించబడాలంటే పిడిఎఫ్ అభ్యర్థులను గెలిపించుకోవాల్సిన అవసరం ఉన్నదని ఓటర్లకు వివరిస్తున్నారు. ఇప్పటికే ఈయన మండలంలో అనేక గ్రామాలలో ప్రచార కార్యక్రమాన్ని నిర్వహిస్తున్నారు. సైకిల్ పై ఈయన చేస్తున్న ప్రచారం ఓటర్లను విశేషంగా ఆకట్టుకుంటూ, ఆలోచింప చేస్తున్నది.
|
|