అగ్ని ప్రమాదంలో గడ్డివాము దగ్ధం
Andhra Pradesh Telugu | Suryaa Desk | Published : Sat, Mar 11, 2023, 01:54 PM
అగ్నిప్రమాదంలో గడ్డివాము దగ్ధమైంది. సంఘటన వివరాలు ఇలా ఉన్నాయి. గజపతినగరం మండలంలోని కాలంరాజుపేట గ్రామానికి చెందిన రైతు బొంతు పోలినాయుడు డోలపాలెం నుంచి కాలంరాజుపేటకు ట్రాక్టర్ పై గడ్డివామును తరలిస్తుండగా విద్యుత్ వైర్లు తాకడంతో అగ్ని ప్రమాదం సంభవించింది. ఈ ప్రమాదంలో గడ్డివాము కాలిపోవడంతో పాటు ట్రాక్టర్ పాక్షికంగా పాడయింది. ప్రమాద విషయం తెలిసిన వెంటనే గజపతినగరంలోని అగ్నిమాపక కేంద్రం అధికారి ఎం. ఎస్. వి. రవిప్రసాద్ సిబ్బందితో హుటా హుటిన సంఘటన ప్రాంతానికి వెళ్లి మంటలను అదుపు చేశారు. ఈ సందర్భంగా గ్రామ సర్పంచ్ గేదెల ఈశ్వరరావు ప్రమాద ప్రాంతాన్ని పరిశీలించారు. అనంతరం ఆయన మాట్లాడుతూ గ్రామంలో విద్యుత్ వైర్లు కిందకి వేలాడుతూ ఉండటం వల్ల తరచూ ప్రమాదాలు జరుగుతున్నాయని చెప్పారు. తక్షణమే విద్యుత్ శాఖ అధికారులు విద్యుత్ వైర్లను సరిచేసి ప్రమాదాలు నివారించాలని కోరారు.
|
|