ఆర్ఆర్ఆర్ చిత్ర బృందానికి సీఎం జగన్ అభినందనలు
Andhra Pradesh Telugu | Suryaa Desk | Published : Mon, Mar 13, 2023, 08:20 PM
ఆర్ఆర్ఆర్ చిత్ర బృందానికి ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి అభినందించారు. సంగీత ప్రియులను తట్టిలేపిన 'నాటు నాటు' పాట.. ఒరిజినల్ సాంగ్ విభాగంలో ప్రతిష్టాత్మకమైన ఆస్కార్ అవార్డును గెలుచుకున్నందుకు హర్షం వ్యక్తం చేశారు. సంగీత దర్శకుడు ఎంఎం కీరవాణి, సినిమా డైరెక్టర్ రాజమౌళి, రచయిత చంద్రబోస్, సింగర్ రాహుల్ సిప్లిగంజ్‌ను అభినందించారు. హీరోలు రామ్‌చరణ్, జూనియర్ ఎన్టీఆర్‌కు శుభాకాంక్షలు చెప్పారు.
'తెలుగు జెండా రెపరెపలాడుతోంది. మన జానపద వారసత్వాన్ని ఎంతో అందంగా జరుపుకునే తెలుగు పాట పట్ల నేను గర్వపడుతున్నాను. ఈ రోజు అంతర్జాతీయంగా దానికి తగిన గుర్తింపు లభించింది. రాజమౌళి, ఎంఎం కీరవాణి, ఎన్టీఆర్, రామ్‌చరణ్.. మన తెలుగు ఖ్యాతిని ఖండాంతరాలకు విస్తరించారు. ప్రపంచవ్యాప్తంగా ఉన్న కోట్లాది మంది తెలుగు ప్రజలను.. భారతీయులందరినీ గర్వపడేలా చేసినందుకు ధన్యవాదాలు' అని ముఖ్యమంత్రి వైఎస్ జగన్ మోహన్ రెడ్డి ట్వీట్ చేశారు.
|
|