37 వేల అడుగుల ఎత్తునుంచి,,,4 వేల అడుగల దిగువకు పడిపోయిన విమానం

జర్మనీకి చెందిన విమానానికి పెద్ద ప్రమాదం తప్పింది. సాంకేతికలోపంతో 37 వేల అడుగుల ఎత్తులో ఉన్న విమానం.. ఒక్కసారిగా 4 వేల అడుగులకు దిగిపోవడంతో విమానం భారీగా కుదుపులకు గురై.. క్యాబిన్‌లోని ఆహార పదార్థాలన్నీ చెల్లాచెదురుగా పడిపోయాయి. సీట్లలోని ప్రయాణికులు కొందరు కిందపడిపోగా.. అందరూ భయంతో వణికిపోయారు. దీంతో అప్రమత్తమైన పైలట్లు విమానాన్ని అత్యవసరంగా ల్యాండ్ చేశారు. ఈ ఘటన జర్మనీకి చెందిన ప్రముఖ విమానయాన సంస్థ లుఫ్తాన్సా విమానంలో చోటుచేసుకుంది. మార్చి 1న జరిగిన ఈ ఘటన ఆలస్యంగా వెలుగులోకి వచ్చింది.

విమానం అదుపుతప్పి కుదుపులకు గురైన సమయంలో అందులోని ఉన్న ప్రయాణికులు ఫొటోలు, వీడియోలు తీశారు. విమానం సేఫ్‌గా ల్యాండ్‌ అయిన తర్వాత ప్రయాణికుల ఫోన్లలోని ఫొటోలను, వీడియోలను తొలగించాలంటూ సిబ్బంది రెండు సార్లు అనౌన్స్‌ చేసినట్లు ఇన్‌సైడర్‌ పత్రిక కథనం ప్రచురించింది. కానీ, ప్రయాణికులు దీనిని వ్యతిరేకించినట్లు పేర్కొంది. ఈ ప్రమాదానికి సంబంధించిన ఫొటోలు, వీడియోలు సోషల్ మీడియాలో పోస్టు చేయడంతో వైరల్‌గా మారాయి. వివరాల్లోకి వెళ్తే మార్చి 1న లుప్తాన్సా ఎయిర్‌లైన్స్‌కు చెందిన ఏ330-300 విమానం టెక్సాస్‌లోని ఆస్టిన్‌ నుంచి జర్మనీలోని ఫ్రాంక్‌ఫర్ట్‌కు బయలుదేరింది. విమానం దాదాపు 37 వేల అడుగుల ఎత్తుకు చేరుకున్న సమయంలో సాంకేతిక సమస్య తలెత్తి భారీ కుదుపులు ఏర్పడ్డాయి.

విమానం అదుపుతప్పి పడిపోతోందన్న విషయం ప్రయాణికులకు అర్థమైంది. కొంతమంది క్యాబిన్‌లోని ఆహారపదార్థాలు, చిన్నపాటి వస్తులు చెల్లాచెదురవ్వడాన్ని తమ మొబైల్ ఫోన్లలో చిత్రీకరించారు. అంతలోనే విమానం 4 వేల అడుగులకు దిగిపోవడంతో అప్రమత్తమైన పైలట్లు వాషింగ్టన్‌ విమానాశ్రయ అధికారులకు సమాచారం ఇచ్చారు. ఏటీసీ అనుమతించడంతో అత్యవసరంగా అక్కడ ల్యాండ్‌ చేశారు. ఘటనలో గాయపడ్డవారిని దగ్గర్లోని ఆస్పత్రికి తరలించారు.

అయితే, ప్రయాణికులు విమానం నుంచి బయటకు వెళ్లడానికి ముందు తమ మొబైల్స్‌లోని ఫొటోలు, వీడియోలు తొలగించాలని క్యాబిన్ క్రూ సిబ్బంది కోరడంపై దుమారం రేగుతంది. సిబ్బంది ప్రకటనపై కొందరు ప్రయాణికులు ఆగ్రహం వ్యక్తం చేస్తూ సోషల్ మీడియాలో పోస్ట్‌లు పెట్టారు. ‘‘అసలు మేం మీకు ఎలా కనిపిస్తున్నాం?’’ అంటూ ప్రయాణికులు ఆగ్రహం వ్యక్తం చేసినట్లు ఇన్‌సైడర్‌ కథనంలో పేర్కొంది.

ఇలా ఫొటోలు, వీడియోలు తొలగించాలని చెప్పడం ప్రయాణికుల గోప్యత హక్కుకు భంగం కలిగించడమేనని తెలిపింది. అయితే ప్రమాదానికి గల కారణాలను మాత్రం లుఫ్తాన్సా ఇప్పటి వరకు వెల్లడించకపోవడం గమనార్హం. ఘటనలో గాయపడిన రోలాండా షిమిత్ అనే ప్రయాణికురాలు మాట్లాడుతూ.. ‘మేమంతా ఇలాగే ఉన్నామని నేను అనుకుంటున్నాను’ అని అన్నారు.

‘ప్రయాణీకుల గోప్యతను రక్షించడానికి అభ్యర్థన అని రెండో ప్రకటన సూచిస్తుంది.. క్యాబిన్‌లో ఆహార పదార్థాలు, వ్యక్తిగత వస్తువులు చెల్లాచెదురుగా పడిపోయాయి.. ఆమె చేతికి గాయమైంది.. నా తుంటి విరిగిపోయిందేమోని అనుకున్నాను.. విమానం కిందకు పడిపోతుందని నేను అనుకున్నాను.’ అని ఆమె తెలిపారు. ఫోటోలు డిలీట్ చేయమని అడిగారని మరో ప్రయాణికుడు ధ్రువీకరించాడు.