ఇదేం కర్మ మన రాష్ట్రానికి కార్యక్రమంలో పాల్గొన్న బత్యాల
Andhra Pradesh Telugu | Suryaa Desk | Published : Tue, Apr 04, 2023, 12:04 PM
రాజంపేట మున్సిపాలిటీలోని 140వ బూత్(27వ వార్డు)లో "ఇదేం కర్మ మన రాష్ట్రానికి" అనే కార్యక్రమాన్ని సోమవారం నిర్వహించి సుదర్శన్ నగర్, మన్నూరు ప్రాంతాలలో ఇంటింటికి తిరుగుతూ వైకాపా పాలనలో ప్రజలు ఎదుర్కొంటున్న నిరుద్యోగ సమస్య, అడ్డగోలుగా నిత్యవసర ధరలు, మద్యపానం/మాదకద్రవ్య సమస్య, కుంటుపడిన అభివృద్ధి, ఇసుక మాఫియా, తాగునీటి సమస్య, అవినీతి, మహిళల భద్రత, కరెంటు సమస్య, దుర్భరమైన రోడ్లు, నిధులు దుర్వినియోగం, గిట్టుబాటు ధరలు, రాజధాని రాజకీయాలు, నిలకడలేని పాలన, రేషన్ కార్డులు, పించన్లు కోత వంటి విషయాలపై అవగాహన కల్పించారు. ఎలాంటి సమస్యలను ఎదుర్కొంటున్నారో తెలుగుదేశం పార్టీ రాష్ట్ర ప్రధాన కార్యదర్శి & రాజంపేట నియోజకవర్గ ఇంచార్జ్ బత్యాల చంగల్ రాయుడు అడిగి తెలుసుకున్నారు. ఈ కార్యక్రమంలో రాజంపేట పట్టణ, మండల పార్టీ నాయకులు, కార్యకర్తలు, పదాధికారులు పాల్గొన్నారు.
|
|