ప్రేమ పేరుతో ఇంజనీరింగ్ విద్యార్థిని బంధించి,,,ఒంటిపై వేడి నూనె పోసిన ఉన్మాది

ప్రేమ పేరుతో యువత దారుణాలకు ఒడిగడుతున్నారు. ప్రేమించటం లేదని, వేరే వాళ్లతో క్లోజ్‌గా ఉంటుందని, చెప్పిన మాట వినటం లేదని ఇలా కారణం ఏదైనా చివరకు అమ్మాయిలే బలవుతున్నారు. తాజాగా.. ఏలూరు జిల్లాలోని పెదవేగి మండలం దుగ్గిరాలలో దారుణం చోటుచేసుకుంది. ప్రేమ పేరుతో మోసగించి ఓ ఇంజినీరింగ్ విద్యార్థినిని అనుదీప్ అనే ఓ ఉన్మాది టార్చర్ చేశాడు.యువతిని గదిలో బంధించి ఆమెపై వేడి నూనె పోశాడు. ప్రేమ పేరుతో నమ్మంచి పెళ్లి చేసుకుంటానని మాయమాటలు చెప్పి గత పది రోజులుగా ఆమెను గదిలో బంధించి చిత్రహింసలకు గురిచేసి నరకం చూపించాడు. అనుదీప్ నుంచి తప్పించుకున్న బాధితురాలు.. కుటుంబ సభ్యులకు సమాచారం అందించింది. వెంటనే దుగ్గిరాలకు చేరుకున్న బాధితురాలి తల్లిదండ్రులు ఆమెను ప్రభుత్వాసుపత్రికి తరలించారు. ప్రేమ పేరుతో తనను నమ్మించి అనుదీప్ చిత్రహింసలకు గురి చేశాడని ఆసుపత్రిలో చికిత్స పొందుతన్న బాధితారులు వెల్లడించింది.

"ఈస్టర్ తర్వాత నన్ను తీసుకెళ్లాడు. నన్ను పెళ్లి చేసుకంటానని నమ్మంచి ఓ రూమ్‌లో బంధించాడు. రోజు తాగొచ్చి గత పదిరోజులుగా చిత్రహింసలకు గురి చేస్తున్నాడు. ఒంటిపై వేడి నూనె పోసి టార్చర్ పెట్టాడు. తలగోడకేసి బాది చంపేందుకు యత్నించాడు. గతరాత్రి అతడిబారి నుంచి తప్పించుకొని మా పేరెంట్స్ ఫోన్ చేశా. మా పేరెంట్స్ వస్తున్నారని తెలిసి నన్ను గదిలోనే వదిలేసి పారిపోయాడు." అని బాధితురాలు వాపోయింది. ఈ ఘటనపై బాధితురాలి తల్లిదండ్రులు పోలీసులకు ఫిర్యాదు చేయగా.. కేసు నమోదు చేసుకొని విచారణ చేస్తున్నారు. ప్రస్తుతం ఉన్మాది అనుదీప్ పరారీలో ఉండగా..అతడి కోసం పోలీసులు గాలిస్తున్నారు.