గుర్తుతెలియని వ్యక్తి వేప చెట్టుకు ఉరివేసుకొని మృతి
Andhra Pradesh Telugu | Suryaa Desk | Published : Fri, May 19, 2023, 03:32 PM
తిరుపతి జిల్లా చంద్రగిరి నియోజకవర్గం పాకాల మండలం గాదంకి పంచాయతీ ఇరుగు రంగయ్యగారిపల్లికి పోవు దారి సమీపంలోని భాస్కర్ రైతు పొలంలో ఉన్న వేప చెట్టుకు గుర్తు తెలియని వ్యక్తి ఉరి వేసుకుని మృతి చెందిన సంఘటన గురువారం రాత్రి చోటు చేసుకుంది. మృతి చెందిన వ్యక్తి వయసు సుమారు 30 నుంచి35 సంవత్సరాల మధ్య ఉంటుందని తెలిపారు. ఇతను కాకి కలర్ ప్యాంటు, బ్లూ స్కై వైట్ చెక్ షర్టు ధరించి ఉన్నాడు. స్థానికులు శుక్రవారం ఉదయం గుర్తించి పాకాల సిఐ రాజశేఖర్ సమాచారం అందించడంతో, హుటాహుటిన సంఘటనా స్థలానికి వెళ్లి సిబ్బందితో మృతదేహాన్ని పరిశీలించి, స్థానికులను విచారించారు. ఇతను ఇక్కడి పరిసర ప్రాంతాల వాసి కాదని తెలియజేశారు. మృతదేహాన్ని పోస్టుమార్టం నిమిత్తం చిత్తూరు ప్రభుత్వ ఆసుపత్రికి తరలించి, పాకాల పోలీసులు కేసు నమోదు చేసి దర్యాప్తు చేస్తున్నారు. మృతి చెందిన వ్యక్తి గురించి సమాచారం తెలిస్తే వెంటనే పాకాల పోలీస్ స్టేషన్ కు తెలియజేయాలని పాకాల సిఐ రాజశేఖర్ తెలిపారు.
|
|