ట్రెండింగ్
కొత్త పార్లమెంట్ భవనం సందర్భంగా,,,రూ. 75 నాణెం విడుదల
national | Suryaa Desk | Published : Sat, May 27, 2023, 08:07 PM
కొత్త పార్లమెంట్ భవనం సందర్భంగా రూ.75 నాణేన్ని ఆవిష్కరించనున్నారు. ఈ సందర్భంగా కేంద్ర ఆర్థిక మంత్రిత్వ శాఖ నోటిఫికేషన్ విడుదల చేసింది. ఈ రూ. 75 నాణెంపై పార్లమెంట్ కాంప్లెక్స్, కొత్త పార్లమెంట్ భవనం చిత్రం ఉంటుంది. ఈ నాణెం 44 మిల్లీమీటర్ల వ్యాసంతో ఉంటుందని తెలుస్తోంది. దీన్ని నాలుగు లోహాలతో తయారు చేయనున్నారు. ఇందులో 50 శాతం వెండి, 40 శాతం రాగి, 5 శాతం నికెల్, 5 శాతం జింక్ ఉంటాయి. పార్లమెంట్ కాంప్లెక్స్ చిత్రం క్రింద 2023 అని రాసి ఉంటుంది. ఈ నాణెం బరువు 35 గ్రాములు ఉంటుందని సమాచారం. నాణేనికి ఒకవైపు అశోక స్తంభం ఉంటుందని.. దిగువన రూ.75 అని రాసి ఉంటుందని తెలుస్తోంది.
|
|