ఆ బంధాన్ని వీడలేక, అనుభూతులను మరవలేక..పదవీ విరమణ రోజు బస్సు డ్రైవర్ ఎమోషన్
national | Suryaa Desk | Published : Thu, Jun 01, 2023, 07:28 PM
తమిళనాడుకు చెందిన ఓ ఆర్టీసీ డ్రైవర్ తన పదవీ విరమణ రోజున భావోద్వేగానికి గురయ్యాడు. బస్సును, స్టీరింగ్ను ప్రేమగా ముద్దాడాడు. బస్సు ముందు భాగాన్ని హత్తుకొని భావోద్వేగంతో కన్నీళ్లు చెమర్చాడు. ఇందుకు సంబంధించిన వీడియో సోషల్ మీడియాలో వైరల్గా మారింది. మధురై జిల్లా బైకరాకు చెందిన ముత్తుపాండి కొంత కాలంగా తిరుపరంగునం ఆర్టీసీ డిపో వర్క్షాప్లో పనిచేస్తున్నారు. అంతకుముందు ఆయన తిరుపరంగునం పట్టణంలో చాలా సంవత్సరాలు ఆర్టీసీ బస్సు నడిపారు. ఆర్టీసీలో 30 ఏళ్లుగా పనిచేసిన ముత్తుపాండి నాలుగు రోజుల కిందట తనకు 60 ఏళ్లు నిండటంతో పదవీ విరమణ చేశారు. అయితే, ఉద్యోగంలో తన చివరి రోజు ఇన్నాళ్లూ తాను నడిపిన ప్రభుత్వ బస్సును నడుపుతానని ఆయన కోరారు. అందుకు అధికారులు అనుమతించారు.
పటనాడి - తిరుపరంగుంరం రూట్ నంబర్ 31 ఎలో చివరి ట్రిప్లో బస్సును ముత్తుపాండి నడిపారు. తిరుపనాడి, మహాలక్ష్మి కాలనీ మీదుగా వెళ్లి, తిరిగి బస్సును తీసుకొచ్చి డిపోలో పార్కింగ్ చేశారు. ఆ తర్వాత తాను నడిపిన బస్సు స్టీరింగ్పై వాలి భావోద్వేగానికి గురయ్యారు. అనంతరం కిందకి దిగి బస్సు ముందు భాగాన్ని ముద్దులు పెడుతూ సోషల్ వీడ్కోలు పలికారు.
డ్రైవర్ ముత్తుపాండి తన వృత్తిని ఎంతగానో ఇష్టపడి, గౌరవించి పనిచేశారని ఆయన గురించి తెలిసిన పలువురు సోషల్ మీడియాలో కామెంట్లు చేశారు. చేసే వృత్తిని దైవ సమానంగా భావించాలనే దానికి ఈ సన్నివేశమే ఉత్తమ ఉదాహరణ అంటూ మరి కొంత మంది రాశారు. నిజమే కదూ..!
|
|