అది మేనిఫెస్టో కాదని, మోస ఫెస్టో : అంబటి రాంబాబు
Andhra Pradesh Telugu | Suryaa Desk | Published : Sun, Jun 04, 2023, 08:08 PM
అది మేనిఫెస్టో కాదని, మోస ఫెస్టో అని టీడీపీ మేనిఫెస్టోను మంత్రి అంబటి రాబాబు అభివర్ణించారు. 14 ఏళ్లు సీఎంగా ఉన్న చంద్రబాబు ఒక్క మేనిఫెస్టో అయినా అమలు చేశారా? ఒక్క పేదవాడ్నయినా ధనికుడ్ని చేశారా? అని ప్రశ్నించారు.
ఇటీవల టీడీపీ ప్రకటించిన భవిష్యత్తుకు గ్యారంటీ మేనిఫెస్టోపై అంబటి రాంబాబు స్పందించారు. రైతు రుణమాఫీ పేరిట మోసం చేసిన సంగతి ప్రజలు ఇంకా మర్చిపోలేదని అన్నారు. నిరుద్యోగ భృతి అని అప్పుడు కూడా మోసం చేశారని అంబటి రాంబాబు విమర్శించారు. తను తీసుకువచ్చిన మేనిఫెస్టోను ఎవరూ చూడకుండా తగలబెట్టిన వ్యక్తి చంద్రబాబు అని మండిపడ్డారు.
టీడీపీ మేనిఫెస్టో ఓ బూటకం అనే విషయాన్ని ప్రజల్లోకి తీసుకెళ్లాలని మంత్రి అంబటి పార్టీ శ్రేణులకు పిలుపునిచ్చారు. వైసీపీ మేనిఫెస్టో ఎలాంటిదో, టీడీపీ తీసుకువచ్చిన మేనిఫెస్టో సంగతేంటో ప్రజల్లో చర్చ జరగాలని అన్నారు. ఎవరెన్ని ప్రయత్నాలు చేసినా మళ్లీ వచ్చేది జగన్ ప్రభుత్వమేనని అంబటి రాంబాబు స్పష్టం చేశారు.
|
|