ట్రెండింగ్
కేంద్రం పథకాలపై జగన్‌ ఫొటోలు: సోము వీర్రాజు
Andhra Pradesh Telugu | Suryaa Desk | Published : Sat, Jun 10, 2023, 08:23 PM
రాష్ట్రంలో ఏ ప్రాంతంలోనూ అభివృద్ధి కనిపించడం లేదని ఏపీ బీజేపీ రాష్ట్ర అధ్యక్షుడు సోమువీర్రాజు అన్నారు. ఏపీకి ప్రధాని నరేంద్ర మోదీ ఏం చేస్తున్నారో వివరించాల్సిన అవసరం ఉందన్నారు. మోదీ ఇచ్చే బియ్యంపై కూడా సీఎం జగన్‌ తన ఫొటోలు వేసుకుంటున్నారని దుయ్యబట్టారు. కేంద్ర ప్రభుత్వం ఇచ్చే ఇళ్లకు వైసీపీ రంగులు వేసుకుంటున్నారని విమర్శించారు. రాష్ట్రానికి కేంద్ర ప్రభుత్వం 40 లక్షల ఇళ్లు ఇస్తే.. 20 లక్షలు కూడా నిర్మించలేదని సోము వీర్రాజు విమర్శించారు. ప్రజల కోసం నిర్మించే రైల్వే లైన్ల కోసం పావలా వంతు నిధుల కూడా రాష్ట్ర ప్రభుత్వం ఇవ్వడం లేదన్నారు. గ్రామీణ సడక్‌ యోజన కింద కేంద్ర ప్రభుత్వం రోడ్లు వేయిస్తుంటే సీఎం జగన్‌ మాత్రం ఆ విషయం చెప్పడం లేదని సోము వీర్రాజు విమర్శించారు.
|
|