అరుదైన చికిత్స చేసి ప్రాణాలు నిలబెట్టిన సాయి ఆసుపత్రి వైద్యులు
Andhra Pradesh Telugu | Suryaa Desk | Published : Tue, Jun 13, 2023, 03:30 PM
నేడు స్థానిక జిల్లాలో ప్రమాదానికి గురైన 25 ఏళ్ల యువకుడికి అరుదైన చికిత్సలను విజయవంతంగా నిర్వహించినట్లు విజయనగరంలో శ్రీ సాయి సూపర్ స్పెషాలిటీ హాస్పటల్ వైద్యులు డాక్టర్ ఎ. శ్రీరామమూర్తి మంగళవారం తెలిపారు. జిల్లాలోని బి. తాళ్లవలస గ్రామానికి చెందిన సూరినాయుడు ప్రమాదానికి గురై సాయి ఆసుపత్రిలో జాయిన్ అయ్యాడు. సూరినాయుడికి మల్టిపుల్ ఆర్గాన్స్, మల్టిపుల్ ప్రాక్చర్స్ తో పాటు లివర్, గాల్ బ్లాడర్, తో పాటు పేగులకు సంబంధించి మొత్తం మూడు చికిత్సలు చేసి రోగి ప్రాణాలు కాపాడామన్నారు.
సాధారణంగా ఇటువంటి పాలిట్రామా కేసులు పెద్ద పెద్ద ఇన్సిట్యూట్ లో మాత్రమే నిర్వహిస్తారని, విజయనగరంలో ప్రప్రధమంగా ఇంతటి హైరిస్క్ కేసును ఆసుపత్రి కన్సల్టెంట్ వైద్యులు డాక్టర్ వి. సింధూరి విజయవంతంగా చికిత్స అందించారని తెలిపారు. రోగికి వేరే ఆసుపత్రిలో అయితే చాలా ఎక్కువ మొత్తంలో ఖర్చవుతుందని, కానీ సాయి ట్రస్టు ద్వారా అతి తక్కువ ఖర్చుతోనే రోగికి పూర్తి చికిత్స అందించినట్లు తెలిపారు. సాయి ఆసుప్తత్రిలో పేదలకు ట్రస్ట్ ద్వారా తక్కువ ధరకే వైద్యం అందిస్తున్నామని అవసరమైన వారు సేవలు వినియోగించుకోవాలని కోరారు. పేషెంట్ కు అరుదైన చికిత్సను అందించిన జనరల్ సర్జన్ డాక్టర్ సింధూరికి ఎస్వీఎన్ వాకర్స్ క్లబ్, సాయి ఆసుపత్రి ఆధ్వర్యంలో ఉచిత రీతిన సత్కరించారు. కార్యక్రమంలో ఆసుపత్రి వైద్యులు డాక్టర్ అక్కెన బాలనాగశ్రీకర్, ఆసుపత్రి ఎండీ అక్కెన లక్ష్మీ, ఎస్వీఎన్ వాకర్స్ క్లబ్ అధ్యక్షులు పి. వి. రామకృష్ణ పాల్గొన్నారు.
|
|