మఠం భీమవరం ఘాట్ లో ఘోర రోడ్డు ప్రమాదం
Andhra Pradesh Telugu | Suryaa Desk | Published : Fri, Jun 16, 2023, 11:36 AM
అల్లూరి జిల్లా కొయ్యూరు మండలం మఠం భీమవరం ఘాట్ రోడ్డు లో ఘోర రోడ్డు ప్రమాదం జరిగింది. ఈ ప్రమాదంలో ముగ్గురు అక్కడికక్కడే మృతి చెందారు. మరో అయిదుగురు పరిస్థితి విషమంగా ఉంది. పలువురుకి గాయాలు అయ్యాయి. వివరాలు ఇలా ఉన్నాయి. మారుమూల మంఠంభీమవరం పంచాయతీ పోతవరం సమీపంలో గురువారం వారపు సంత నుండి సాయంత్రం తిరుగుప్రయాణంలో 20మంది బొలేరో వ్యాన్ లో వస్తుండగా మఠంభీమవరం ఘాట్ రోడ్డులో అదే వ్యాన్ బ్రేక్ ఫెయిల్ అవడంతో అదుపు తప్పి బోల్తా పడింది. ఈ ప్రమాదంలో అక్కడికక్కడే ముగ్గురు మహిళలు మృతి చెందారు. వీరిలో గొల్లోరి. లూయినస్(దబ్బకోట), కాకూరి. ముత్యాలమ్మ, (చీడికోట), కాతూరు. ముత్యాలమ్మ (చిలకలబంద) చెందిన వారిగా గుర్తించినట్లు తెలిసింది.
అయిదుగురు పరిస్థితి విషమంగా ఉండటంతో క్షత్రగాత్రులను రంపచోడవరం ఆసుపత్రికి తరలించి వైద్యం అందించారు. విషమంగా ఉన్నవారిని కాకినాడ జిల్లా ఆసుపత్రికి తరలించినట్టు కొయ్యూరు, మంప, ఎస్సైలు రాజారావు, లోకేష్ కుమార్ లు తెలిపారు. ఈ ప్రమాదం పై కేసు నమోదు చేసి దర్యాప్తు చేస్తున్నట్టు ఎస్సైలు తెలిపారు.
|
|