ట్రెండింగ్
అనుమానాస్పద స్థితి గుర్తు తెలియని వ్యక్తి మృతి
Andhra Pradesh Telugu | Suryaa Desk | Published : Fri, Jun 16, 2023, 12:46 PM
గుర్తు తెలియని ఓ వ్యక్తి చెట్టుకు ఉరివేసుకొని అనుమానాస్పద స్థితిలో మృతి చెందిన ఘటన శుక్రవారం వెలుగు చూసింది. ఘటనకు సంబంధించి పోలీసులు తెలిపిన వివరాలు ఇలా ఉన్నాయి. సుభాష్నగర్ రైల్వేట్రాక్ పక్కనున్న ఖాళీ స్థలంలో ఓ చెట్టుకి 35 నుంచి 40 ఏళ్ళ వయసున్న వ్యక్తి ఉరి వేసుకొని ఉండడాన్ని ఆర్పీఎఫ్ పోలీసులు, స్థానికులు గుర్తించి కంచరపాలెం పోలీసులకు సమాచారం ఇచ్చారు. దీంతో సీఐ విజయకుమార్ సిబ్బందితో హుటాహుటిన సంఘటన స్థలానికి వెళ్లి పరిశీలించారు. నల్లని టీ షర్టు, బ్రౌన్ కలర్ నిక్కర్ వేసుకొని కోల ముఖం ఉన్న ఈ వ్యక్తి గురించి స్థానికులకు సైతం తెలియదని పోలీసులు తెలిపారు. అతనికి సంబంధించిన వివరాలు తెలిసిన వారు కంచరపాలెం పోలీసులకు తెలియజేయాలని సీఐ విజయకుమార్ కోరారు.
|
|