డిగ్రీ పరీక్షలలో పలువురు డిబార్‌
Andhra Pradesh Telugu | Suryaa Desk | Published : Sat, Jun 17, 2023, 04:38 PM
విక్రమ సింహపురి యూనివర్సిటీ పరిధిలోని అనుబంధ డిగ్రీ కళాశాలల్లో శుక్రవారం జరిగిన డిగ్రీ నాల్గవ, ఆరవ సెమిస్టర్‌ పరీక్షల్లో 14 మంది విద్యార్థులు డిబార్‌ అయినట్లు వీఎస్‌యూ పరీక్షల నిర్వహణాధికారి డాక్టర్‌ ఆర్‌. ప్రభాకర్‌ ఒక ప్రకటనలో తెలిపారు. ఉదయం జరిగిన నాల్గవ సెమిస్టర్‌ పరీక్షల్లో మొత్తం 10,430 మంది విద్యార్థులకు గాను 9,772 మంది హాజరు కాగా మిగిలిన 696 మంది గైర్హాజరైనట్లు పేర్కొన్నారు. అలాగే మధ్యాహ్నం జరిగిన ఆరవ సెమిస్టర్‌ పరీక్షల్లో మొత్తం 927 మంది విద్యార్థులకు గాను 870 మంది హాజరు కాగా మిగిలిన 73 మంది గైర్హాజరైనట్లు తెలిపారు. ఉదయం విడవలూరులోని ప్రభుత్వ డిగ్రీ కళాశాలలో ముగ్గురు, నెల్లూరులోని వివేకానంద డిగ్రీ కళాశాలలో ఒకరు, నాయుడుపేటలోని ప్రభుత్వ డిగ్రీ కళాశాలలో ముగ్గురు, విశ్వం డిగ్రీ కళాశాలలో ఒకరు, కోవూరులోని ప్రభుత్వ డిగ్రీ కళాశాలలో ఇద్దరు, మధ్యాహ్నం నెల్లూరులోని వీఆర్‌ఐఏఎస్‌ డిగ్రీ కళాశాలలో ఒకరు, పీఆర్‌ఆర్‌వీఎస్‌ ప్రభుత్వ డిగ్రీ కళాశాలలో ముగ్గురు మొత్తం 14 మంది విద్యార్థులు డిబార్‌ అయినట్లు పేర్కొన్నారు.
|
|