పవన్ కళ్యాణ్ కోసం సీటు త్యాగం చేస్తా,,,చింతమనేని ప్రభాకర్

జనసేన పార్టీ అధినేత పవన్ కళ్యాణ్‌ను భుజాలపై ఎక్కించుకుని దెందులూరు నియోజకవర్గంలో గెలిపించుకుంటాను అంటున్నారు మాజీ ఎమ్మెల్యే చింతమనేని ప్రభాకర్. ఏలూరు జిల్లా నూజివీడు నియోజకవర్గంలో నిర్వహించిన బస్సు యాత్ర, ర్యాలీ భారీ బహిరంగ సభలో పాల్గొన్నారు. రాష్ట్ర భావి తరాల భవిష్యత్ కోసం టీడీపీ రావాల్సిన అవసరం ఎంతైనా ఉందన్నారు. యువనేత నారా లోకేష్ ఆధ్వర్యంలో రాష్ట్ర అభివృద్ధికి ప్రణాళికలు రూపొందించామన్నారు.

దెందులూరు నియోజకవర్గంలో పవన్ కళ్యాణ్ పోటీ చేస్తానంటే తన సీటు త్యాగం చేయడానికి సిద్ధమన్నారు. తన భుజాలపై ఎక్కించుకొని పవన్ కళ్యాణ్‌ను భారీ మెజార్టీతో గెలిపిస్తాను అన్నారు చింతమనేని. పవన్ కళ్యాణ్‌కు తన సీటు ఇవ్వడానికి సిద్ధం అన్న మాటకి కట్టుబడి ఉన్నా, ఉంటా కూడా అన్నారు. పవన్ నిజంగా దెందులూరు కోరుకుంటే త్యాగం చేసేందుకు సిద్దంగా ఉన్నానని.. అదే సమయంలో పొత్తులపై తమ పార్టీ అధినేత చంద్రబాబు నాయుడుఏ నిర్ణయం తీసుకున్నా కట్టుబడతాను అన్నారు. పవన్ కళ్యాణ్ రాష్ట్రంలో జరుగుతున్న అరాచకాల గురించే మాట్లాతున్నారన్నారు. బీజేపీతో పొత్తుల గురించి తనను వివాదాల్లోకి లాగొద్దు అన్నారు.

ఏలూరు జిల్లా నూజివీడు మండలం బత్తులవారిగూడెంలో భవిష్యత్తుకు గ్యారెంటీ పేరుతో టీడీపీ బస్సు యాత్ర చేపట్టింది. ఈ బస్సు యాత్ర నాలుగో రోజుకు చేరగా.. జోన్‌–2 పరిధిలో బస్సు యాత్ర నిర్వహించారు. నూజివీడు అడవి ఆంజనేయస్వామి ఆలయం దగ్గర స్వామికి ప్రత్యేక పూజలు జరిపారు. అనంతరం బైక్, కార్లతో భారీ ర్యాలీ నిర్వహించి అనంతరం తర్వాత సభ నిర్వహించారు. ఈ సభలో మాజీ మంత్రి నిమ్మకాయల చినరాజప్ప ప్రసంగిస్తుండగా.. ఒక్కసారిగా బలంగా గాలి వీచింది. దీంతో వేదిక ఒక్కసారిగా కుప్పకూలింది.. ఈ ఘటనలో టీడీపీ సీనియర్‌ నేతలు చింతమనేని ప్రభాకర్‌, చినరాజప్పలు స్టేజిపై నుంచి కిందపడ్డారు. అప్రమత్తమైన కార్యకర్తలు.. నాయకులను పైకి లేపారు. ఈ ఘటనలో పలువురికి స్వల్ప గాయాలయ్యాయి.