మిగులుసీట్లకు దరఖాస్తుల ఆహ్వానం
Andhra Pradesh Telugu | Suryaa Desk | Published : Tue, Jun 27, 2023, 01:23 PM
డాక్టర్ బిఆర్ అంబేద్కర్ గురుకులాల్లో 2023-24 విద్యాసంవత్సరానికి మిగిలిఉన్న పరిమిత ఖాళీసీట్లుభర్తీకి పార్వతీపురం మన్యం జిల్లా సమన్వయకర్త టి. పద్మజ అదేశాలు మేరకు దరఖాస్తులు కోరుతున్నట్లు సీతానగరం మండలం జోగమ్మపేట సాంఘీక సంక్షేమ శాఖ ప్రిన్సిపల్ కె. ఈశ్వరరావు తెలిపారు. విజయనగరం, పార్వతీపురం మన్యంజిల్లాల్లో బాలురు - 5, బాలికల గురుకులాలు-8ఉన్నాయని, ఆయా విద్యాలయాల్లో 6, 7, 8, 9 తరగతుల్లో మిగులు సీట్లలో ప్రవేశానికి ఆసక్తిగల బాలబాలికలు ఆధార్ కార్డు, కుల ధ్రువీకరణ పత్రం జతపరిచిన ధరఖాస్తును ఈనెల 28సాయంత్రం 4 గంటలలోగా అందజేయాలన్నారు. దరఖాస్తుదారులు ఈనెల 30న ఉదయం 10గంటలకు దరఖాస్తు చేసుకున్నవారు గురుకులంలో ప్రవేశపరీక్షకు హాజరుకావాలన్నారు.ప్రశ్నపత్రం ముందు తరగతికి చెందినసిలబస్ ప్రకారం ఆబ్జెక్టివ్ విధానంలోఉంటుందన్నారు. మరిన్ని వివరాలకోసం కళాశాల ప్రిన్సిపాల్ ను సంప్రదించాలని కోరారు.
|
|