ట్రెండింగ్
మీడియా పై రెచ్చిపోయిన ఆర్‌ఎంవో
Andhra Pradesh Telugu | Suryaa Desk | Published : Wed, Jun 28, 2023, 11:25 AM
శ్రీకాకుళం జిల్లాలోని ఎచ్చెర్ల మండలం కుప్పిలి గ్రామంలో కన్న తండ్రే కొడుకును అతి కిరాతకంగా చంపేశాడు. అర్ధారాత్రి సమయంలో ఈ ఘటన జరిగింది. విషయం తెలిసిన పోలీసులు మృతదేహాన్ని రిమ్స్ ఆస్పత్రికి తరలించారు. అయితే ఈ ఘటనను చిత్రీకరించేందుకు ఆస్పత్రికి వెళ్లిన మీడియాపై ఆర్‌ఎంవో చిందులు తొక్కాడు. జగన్ ప్రభుత్వాన్ని కుల మీడియా జబ్బు పట్టిస్తోందంటూ విరుచుకుపడ్డారు. ఆస్పత్రి గేటు వద్దే మీడియాను అడ్డగిస్తూ ఇష్టం వచ్చినట్లు దుర్భాషలాడాడు. తొడ కొడుతూ మీడియా ప్రతినిధులను ఆర్‌ఎంవో శంకర్‌ రావు బెదిరింపులకు దిగాడు. మీడియా సంస్థలపై బూతు పురాణం అందుకున్నాడు. గతంలో ఈ ఆర్‌ఎంవోపై లైంగిక ఆరోపణలు ఉన్నాయి. మీడియా పట్ల ఆర్‌ఎంవో అనుచిత ప్రవర్తనపై మీడియా ప్రతినిధులు ఆగ్రహం వ్యక్తం చేస్తున్నారు.
|
|