కోస్తాంధ్ర, రాయలసీమలోని పలు ప్రాంతాల్లో రాబోయే రెండ్రోజుల పాటు వర్షాలు

ఏపీలో ఇప్పటికే పలు జిల్లాల్లో భారీగా వర్షాలు కురుస్తున్నాయి. నైరుతి రుతుపవనాల ప్రభావంతో అన్ని జిల్లాల్లో వానలు పడుతున్నాయి. అయితే నేడు, రేపు పలు జిల్లాల్లో వర్షాలు పడతాయని వాతావరణశాఖ అంచనా వేసింది. పలు జిల్లాలకు ఏపీ విపత్తు నిర్వహణ సంస్థ రెయిన్ అలర్ట్ జారీ చేసింది.

ఆదివారం శ్రీకాకుళం, పార్వతీపురం మన్యం, అల్లూరి సీతారామరాజు, కాకినాడ, పశ్చిమగోదావరి, కోనసీమ, తూర్పు గోదావరి, ఏలూరు, కృష్ణ, ఎన్టీఆర్, గుంటూరు, పల్నాడు, బాపట్ల, చిత్తూరు, అన్నమయ్య జిల్లాల్లో తేలికపాటి నుంచి ఓ మోస్తరు వర్షాలు కురవనున్నట్లు వాతావరణశాఖ తెలిపింది. ఇక విజయనగరం, అనకాపల్లి, ప్రకాశం, నెల్లూరు, తిరుపతి, శ్రీ సత్యసాయి, అనంతపురం, నంద్యాల జిల్లాల్లో జల్లులు కురిసే అవకాశముందని పేర్కొంది.

ఇక సోమవారం శ్రీకాకుళం, పార్వతీపురం మన్యం, విజయనగరం, అల్లూరి సీతారామరాజు, కాకినాడ, కృష్ణ, బాపట్ల, చిత్తూరు, అన్నమయ్య జిల్లాల్లో మోస్తరు వర్షాలు పడనుండగా.. విశాఖపట్నం, అనకాపల్లి, ఈస్ట్ గోదావరి, వెస్ట్ గోదావరి, కోనసీమ, ఏలూరు, నంద్యాల, వైఎస్సార్, తిరుపతి, నెల్లూరు, ప్రకాశం, పల్నాడు. అనకాపల్లి, ఎన్టీఆర్, గుంటూరు జిల్లాల్లో స్వల్ప వర్షాలు కురవనున్నట్లు విపత్తు నిర్వహణశాఖ ఓ ప్రకటనలో పేర్కొంది.

అటు ఏపీలో వర్షాల నేపధ్యంలో ఉష్ణోగ్రతలు భారీగా తగ్గుముఖం పట్టాయి. 37 డిగ్రీలలోపే గరిష్ణ ఉష్ణోగ్రతలు నమోదవుతున్నాయి. బాపట్లలో గరిష్టం 34.4, కనిష్టం 25 డిగ్రీలు నమోదవ్వగా.. కాకినాడలో గరిష్టం 32.3, కనిష్టం 25.5, కళింగపట్నంలో గరిష్టం 33.2, కనిష్టం 26.6 డిగ్రీల సెల్సియస్, కావలిలో గరిష్టం 36.7, కనిష్టం 28.5 డిగ్రీలు, మచిలీపట్నంలో గరిష్టం 33.4, కనిష్టం 24.5, నందిగామలో గరిష్టం 34.6, కనిష్టం 27, నర్సాపూర్‌లో గరిష్టం 33, కనిష్టం 23.6, నెల్లూరులో గరిష్టం 36.5, కనిష్టం 27.5, ఒంగోలులో గరిష్టం 34.2, కనిష్టం 27.8 డిగ్రీల సెల్సియస్ నమోదైంది.

తునిలో గరిష్టం 32.1, కనిష్టం 21, గన్నవరంలో గరిష్టం 34.2, కనిష్టం 26.4, విశాఖపట్నంలో గరిష్టం 36, కనిష్టం 28, అమరావతిలో గరిష్టం 33.8, కనిష్టం 26.8 డిగ్రీలు, అనంతపురంలో గరిష్టం 34.5, కనిష్టం 24.9, కడపలో గరిష్టం 36.2, కనిష్టం 26.4, కర్నూలులో గరిష్టం 34.5, కనిష్టం 25.3, తిరుపతిలో గరిష్టం 35.9, కనిష్ట ఉష్ణోగ్రత 27 డిగ్రీల సెల్సియస్‌గా నమోదైంది.