గ్రౌండ్‌లో సిక్స్‌లు.. పాలిటిక్స్‌లో పంచ్‌లు

ఇండియన్ క్రికెటర్ అంబటి రాయుడు.. పొలిటికల్ పిచ్‌పై సెకండ్ ఇన్నింగ్స్ స్టార్ట్ చేసేశాడు. మొన్నటి ఐపీఎస్ సీజన్‌లో బ్యాట్ ఝుళిపించిన అంబటి రాయుడు.. ఇప్పుడు పొలిటికల్ బౌన్సర్లను ఎదుర్కొనేందుకు ప్రాక్టీస్ స్టార్ట్ చేశారు. ఇటీవల ఏపీ సీఎం జగన్ మోహన్ రెడ్డిని కలిసిన అంబటి రాయుడు.. పొలిటికల్‌గా యాక్టివ్ అయ్యారు. క్రియాశీలకంగా మారి.. పార్టీ వ్యవహారాల్లో చురుకుగా పాల్గొంటున్నారు అంబటి రాయుడు. రానున్న ఎన్నికల్లో అంబటి రాయుడు.. ఎంపీగానో.. ఎమ్మెల్యేగానో పోటీ చేసే అవకాశాలు మెండుగా కనిపిస్తున్నాయి.

ఇక బ్యాటింగ్‌కి దిగాక బౌండరీలు బాదాలి.. పాలిటిక్స్‌లోకి దిగాక పంచ్‌లు పేలాలి. పైగా అంబటి రాయుడుకి పించ్ హిట్టర్ పేరుకూడా ఉంది. మనోడు సిక్స్‌లు బాదటంలో ఎంత దిట్టో పొలిటికల్ పంచ్‌లు పేల్చడంలోనూ పదును పెడుతున్నారు. ఈ నేపథ్యంలో జనసేన అధినేత పవన్ కళ్యాణ్.. వాలాంటీర్ వ్యవస్థపై చేసిన వ్యాఖ్యలు తీవ్ర దుమారాన్ని రేపాయి. పవన్ స్థాయి దిగజారి వాలంటీర్లను కించపరిచే కామెంట్లు చేయడంతో రాష్ట్ర వ్యాప్తంగా వాలంటీర్లు భగ్గుమన్నారు. కాగా పవన్ కళ్యాణ్ వ్యాఖ్యలకు కౌంటర్ ఇచ్చారు అంబటి రాయుడు. గుంటూరు పర్యటనలో భాగంగా.. ఓ స్కూల్‌కి వెళ్లి అక్కడ ఎడ్యుకేషన్ సిస్టమ్.. విద్యార్ధులకు అందుతున్న వసతుల్ని స్వయంగా పర్యవేక్షించిన అంబటి రాయుడు.. పవన్ కళ్యాణ్‌ వ్యాఖ్యల్ని తప్పుపడుతూ.. ఏపీ వాలంటీర్ వ్యవస్థ.. దేశానికే ఆదర్శం అని అన్నారు. అలాంటి బలమైన వ్యవస్థపై పవన్ కళ్యాణ్ చేసిన వ్యాఖ్యల్ని ఖండించారు అంబటి రాయుడు.

‘దేశంలో ఎక్కడా లేని విధంగా ఆంధ్రప్రదేశ్‌లో వాలంటీర్, గ్రామ సచివాలయ వ్యవస్థ పనిచేస్తుంది. ఆంధ్రప్రదేశ్ రాష్ట్రానికి ఫ్లాగ్ షిప్ లాంటిటి వాలంటీర్ వ్యవస్థ. గత 60-70 ఏళ్లుగా జరగని అభివృద్ది ఇప్పుడు జరుగుతుందంటే అది వాలంటీర్ వ్యవస్థ వల్లే. ప్రజలకు ప్రభుత్వం తరుపున అందాల్సిన ప్రతి రూపాయి అందుతుంది. వాలంటీర్ వ్యవస్థ అనేది గొప్ప ఆలోచన. దాని వల్ల ఎంతో మందికి మంచి జరుగుతుంది. ప్రభుత్వ పథకాలు నేరుగా ప్రజలకు అందుతున్నాయి.

ఇంటికి వెళ్లి పెన్షన్‌లు అందిస్తున్నారు. ఇంత గొప్ప వ్యవస్థ దేశంలో ఎక్కడా లేదు. కరోనా టైంలో వాలంటీర్‌లు ఎంత కష్టపడ్డారో చూశాం.. అలాంటి టైంలో కూడా ప్రాణాలకు తెగించి.. సేవల్ని అందించారు. అలాంటి వాలంటీర్స్ గురించి ఎంత చెప్పినా తక్కువే.. మంచి పని చేస్తుంటే ఇలాంటి వాళ్లు బురదజల్లుతుంటారు. వాటిని మనం పట్టించుకోకూడదు. వాళ్లు విమర్శించారని ఆగిపోదు.. మరింత ధైర్యంగా వాలంటీర్ వ్యవస్థ ముందుకు వెళ్తుంది’ అని అన్నారు అంబటి రాయుడు.