ప్రొఫెసర్‌పై దాడి కేసులో ఎన్ఐఏ దర్యాప్తు,,,,ఆరుగుర్ని దోషులుగా నిర్దారించిన కోర్టు

కేరళలో ప్రొఫెసర్‌ చేతిని నరికి.. తాలిబన్ తరహా నేరానికి పాల్పడిన నిషేధిత ఇస్లామిక్‌ ఉగ్రవాద సంస్థ పాపులర్‌ ఫ్రంట్‌ ఆఫ్‌ ఇండియా(పీఎఫ్‌ఐ)కు చెందిన ఆరుగుర్ని ఎన్‌ఐఏ ప్రత్యేక కోర్టు దోషులుగా తేల్చింది. దోషుల్లో సాజిల్‌, నాజర్‌, నజీబ్‌పై కఠినమైన చట్టవ్యతిరేక కార్యకలాపాల నిరోధక చట్టం(ఉపా)తో పాటు మరికొన్ని సెక్షన్ల కింద అభియోగాలు రుజువైనట్లు కోర్టు పేర్కొంది. వీరికి ఆశ్రయం కల్పించడంతోపాటు నేరం గురించి ఉద్దేశపూర్వకంగానే దాచిపెట్టినందుకు నౌషద్‌, మొయిదీన్‌ కున్హు, అయూబ్‌లనూ దోషులుగా నిర్దారించింది. ఇదే కేసులో మరో ఐదుగురు నిందితులను నిర్దోషులుగా ప్రకటించింది.

ఈ ఆరుగురు దోషులకు గురువారం మధ్యాహ్నం 3 గంటలకు శిక్షలు ఖరారు చేయనుంది. ఇడుక్కి జిల్లా తొడుపుజలోని న్యూమ్యాన్‌ కాలేజీ ప్రొఫెసర్ టి.జె.జోసెఫ్‌పై 2010 జులై 4న ఏడుగురు పీఎఫ్‌ఐ సభ్యులు దాడికి పాల్పడి.. ఆయన కుడి చేతిని నరికేశారు. బీకాం సెమిస్టర్‌ పరీక్షా పత్రంలో ఓ మతాన్ని కించపరిచేలా ప్రొఫెసర్ ప్రశ్నలు రూపొందించారని ఆరోపిస్తూ ఈ దుశ్చర్యకు పాల్పడ్డారు. ఘటన జరిగినప్పటి నుంచి ప్రధాన నిందితుడు సవాద్‌ పరారీలో ఉన్నాడు. ఈ ఘటనపై కేసు నమోదుచేసిన ఎన్ఐఏ.. దర్యాప్తు చేపట్టింది. నిందితులను పట్టుకుని, ఆధారాలను సేకరించి ఛార్జ్‌షీట్ దాఖలు చేసింది.

నిందితులు తాలిబన్ల మాదిరిగా దుర్మార్గంగా వ్యవహరించారని, వారికి యావజ్జీవిత ఖైదు విధించాలని కోరింది. అంతేకాదు, 2014లో జోసెఫ్ భార్య ఆత్మహత్యకు పాల్పడితే కొందరు నిందితులు వేడుకలు చేసుకున్నారని ఎన్ఐఏ తన నివేదికలో పేర్కొంది. విచారణ పూర్తికావడంతో ఎన్ఐఏ ప్రత్యేక కోర్టు న్యాయమూర్తి అనిల్ కే భాస్కర్ నిందితులను దోషులుగా నిర్దారించారు. నిందితులు తమను క్షమించాలని

కోర్టు తీర్పు అనంతరం జోసేఫ్ మాట్లాడుతూ.. కుడి చేతిని కోల్పోవడం వల్ల తన జీవితం దుర్భరంగా మారిందని ఆవేదన వ్యక్తం చేశారు. కొన్నాళ్లు ఉద్యోగానికి దూరమయ్యానని, ఆ సమయంలో తన భార్య ఆత్మహత్య చేసుకుందని కన్నీటి పర్యంతమయ్యారు. జోసెఫ్ 2010 జులై 4న తన కుటుంబంతో కలిసి మువట్టుపూజ‌లోని చర్చికి వెళ్లి తిరిగొస్తుండగా.. ఇంటికి సమీపంలో ఏడుగురు దుండగులు వారి వాహనాన్ని అడ్డుకున్నారు. కారులోని నుంచి ఆయనను బయటకు లాగి దాడి చేతిని నరికేశారు. దీనిని అడ్డుకున్న కుటుంబసభ్యులపై దాడి చేశారు.