ఏపీకి రాబోయే మూడ్రోజుల పాటు వర్షసూచన

ఏపీలో రాబోయే మూడు రోజుల పాటు రాష్ట్రంలో విస్తారంగా వర్షాలు కురుస్తాయని అంచనా వేసింది. పలు జిల్లాల్లో భారీ వర్షాలు పడతాయని, మరికొన్ని జిల్లాల్లో మోస్తరు వానలు కురుస్తాయని హెచ్చరించింది. ఈ మేరకు రెయిన్ అలర్ట్ జారీ చేస్తూ వెదర్ బులిటెన్‌ను విడుదల చేసింది.

నేడు కర్నూలు, శ్రీ సత్యసాయి, వైఎస్సార్, నంద్యాల, నెల్లూరు, ప్రకాశం, బాపట్ల, పల్నాడు, గుంటూరు, కృష్ణ, ఎన్టీఆర్, పశ్చిమగోదావరి, కోనసీమ, తూర్పు గోదావరి, కాకినాడ, అనకాపల్లి, విశాఖపట్నం, కర్నూలు, తిరుపతి, చిత్తూరు జిల్లాల్లో స్వల్ప వర్షాలు కురవనుండగా.. ఏలూరు, అనంతపురం, అల్లూరి సీతారామరాజు, విజయనగరం, పార్వతీపురం మన్యం, శ్రీకాకుళం జిల్లాల్లో తేలికపాటి నుంచి మోస్తరు వానలు పడతాయని వాతావరణశాఖ స్పష్టం చేసింది.

ఇక 24వ తేదీ అనకాపల్లి, కాకినాడ, విజయనగరం, అల్లూరి సీతారామరాజు, వైఎస్సార్, అన్నమయ్య, తిరుపతి, శ్రీ సత్యసాయి, అనంతపురం, కర్నూలు, గుంటూరు, నెల్లూరు, ఏలూరు, ప్రకాశం, శ్రీకాకుళం, చిత్తూరు, నంద్యాల, బాపట్ల, పల్నాడు, కృష్ణ, విశాఖపట్నం, పార్వతీపురం మన్యం, అనకాపల్లి, ఉభయగోదావరి జిల్లాల్లో తేలికపాటి వర్షాలు పడతాయని వాతావరణశాఖ తెలిపింది.

అటు 25న ప్రకాశం, నంద్యాల, వైఎస్సార్, నెల్లూరు, అనంతపురం, కర్నూలు జిల్లాలకు భారీ వర్షసూచన జారీ చేశారు. అదే రోజు పల్నాడు, శ్రీసత్యసాయి, విశాఖపట్నం, కోనసీమ, తిరుపతి, బాపట్ల, చిత్తూరు, కాకినాడ, అన్నమయ్య, కృష్ణ, పశ్చిమగోదావరి, తూర్పుగోదావరి, ఏలూరు, ఎన్టీఆర్, గుంటూరు, శ్రీకాకుళం జిల్లాల్లో స్వల్ప వర్షాలు పడనున్నాయని విపత్తు నిర్వహణ సంస్థ తెలిపింది. అయితే రాష్ట్రంలో ఇప్పటికే వర్షాలు పడుతున్నాయి. రానున్న మూడు రోజులు కూడా వానలు కొనసాగనున్నాయి.

ఇక నిన్న గన్నవరంలో 6.6 మిల్లీమీటర్ల వర్షపాతం నమోదవ్వగా. . కర్నూలు జిల్లాలో 19.2 మి.మీ, నందిగామలో 7.8 మి.మీ, నర్సాపూర్‌లో 2.3 మి.మీ, మచిలీపట్నంలో 1.9 మి.మీ వర్షపాతం నమోదైంది. ఉష్ణోగ్రతలను చూస్తే.. శనివారం అమరావతితో గరిష్టం 37, కనిష్టం 29.6, కర్నూలులో గరిష్టం 30.1, కనిష్టం 23.4, కడపలో గరిష్టం 33.8, కనిష్టం 26.4, అనంతపురంలో గరిష్ట ఉష్ణోగ్రత 30.8, కనిష్టం 24.2 డిగ్రీల సెల్సియస్, విశాఖపట్నంలో గరిష్టం 35.6, కనిష్టం 26.8, తునిలో గరిష్టం 32.5, కనిష్టం 26.4, ఒంగోలులో గరిష్టం 33.9, కనిష్టం 26.6 డిగ్రీల ఉష్ణోగ్రత నమోదైంది.