వాడిన అండర్‌వేర్‌లను విక్రయిస్తున్న మహిళలు

బిజినెస్ అంటే చాలా పోటీ ఉంటుంది. అయితే అందరి వ్యాపారుల్లా కాకుండా కొత్తగా ఆలోచించి.. వినూత్నంగా బిజినెస్ చేస్తేనే సక్సెస్ సాధిస్తారు. అయితే ఆ మహిళలు అందరిలా కాకుండా ఏదైనా కొత్తగా వ్యాపారం చేయాలని భావించారు. దీంతో ఉపయోగించిన లోదుస్తులను విక్రయించి డబ్బులు సంపాదిస్తున్నారు. ఉపయోగించిన లోదుస్తులను ఎలా, ఎందుకు విక్రయిస్తున్నారు అని అందరికీ ఆశ్చర్యం కలుగుతోంది. డైలీ స్టార్ నివేదిక ప్రకారం.. బ్రిటన్‌లోని మహిళలు ఆదాయం కోసం వివిధ మార్గాలు ఎంచుకుంటున్నారు. బ్రిటన్‌లో ద్రవ్యోల్బణం పెరగడంతో.. అందుకు తగ్గ ఆదాయం కోసం ఇలాంటి వ్యాపారాలు సైడ్ బిజినెస్‌లుగా చేస్తున్నారు. వాడేసిన లోదుస్తులను విక్రయిస్తున్నారు. వీటి ద్వారా నెలకు సులభంగా ఆదాయ మార్గాలు అన్వేషిస్తున్నట్లు మెలిసా కుక్ అనే సెక్స్ థెరపిస్ట్ వెల్లడించారు. ఇలా లోదుస్తులు అమ్ముతూ నెలకు రూ. 30 వేల నుంచి రూ. 4 లక్షల వరకు సంపాదిస్తున్నట్లు తెలిపారు. ఇందులో.. ఉపయోగించిన షార్ట్‌లు, సాక్స్ మరియు లోదుస్తులు, అండర్ వేర్లు ఉన్నాయి. అయితే వీటిని కొనేవారు కూడా చాలామంది ఉన్నట్లు మెలిసా కుక్ పేర్కొన్నారు. గిరాకీ కూడా చాలా ఉంటుందని చెబుతున్నారు.

కేవలం లోదుస్తులే కాకుండా వినియోగించిన సాక్స్‌లు, షార్ట్స్, బ్రాలు కూడా అమ్ముతున్నారు. అయితే ఇది సైడ్ బిజినెస్‌గానే చేస్తున్నారు. తమ ఉద్యోగాలు చేస్తూనే వారు వాడిన వస్తువులను ఆన్‌లైన్ కంటెంట్ సెల్లింగ్ సైట్లలో విక్రయిస్తూ అదనపు ఆదాయాన్ని ఆర్జిస్తున్నారు. అయితే ఆదాయ మార్గాల కోసం ఇలాంటి విక్రయాలు చేయడం ఇదే మొదటిసారి కాదు. కంటెంట్ సెల్లింగ్ సైట్లలో ఇలాంటి వాటిని కొనేందుకు చాలామంది కస్టమర్లు ఉన్నట్లు తెలిపారు. గతంలోనూ కత్తిరించిన గోళ్లు, వెంట్రుకలు, బట్టలను కూడా వివిధ వెబ్‌సైట్‌లలో విక్రయిస్తున్నారు. వీరికి వచ్చిన ఐడియాను చూసి నెటిజన్లు ముక్కున వేలేసుకుంటున్నారు.