యువతులను డ్రగ్స్‌కు బానిస చేసి వీడియోలు,,యూనివర్సిటీలో వెలుగు చూసిన భారీ సెక్స్ రాకెట్

యూనివర్సిటీ అంటే విద్యార్థులకు జీవితంలో దారిచూపే నిలయాలు. యూనివర్సిటీల్లో చదివిన విద్యార్థులు.. సమాజానికి, పౌరులకు దిక్సూచిగా నిలుస్తారు. అలాంటి యూనివర్సిటీల్లో జరుగుతున్న ఘటనలు ఇటీవలి కాలంలో తీవ్ర చర్చనీయాంశంగా మారాయి. తాజాగా ఓ యూనివర్సిటీలో భారీ సెక్స్ రాకెట్ గుట్టు రట్టయింది. యూనివర్సిటీలో చదివే విద్యార్థులకు చెందిన పోర్న్ వీడియోలు పోర్న్ సైట్లలో వెలుగు చూడటం సంచలనంగా మారింది. అయితే విద్యార్థులను డ్రగ్స్‌కు బానిసలు చేసి.. వారితో వీడియోలు తీయించినట్లు తెలుస్తోంది. ఈ కుంభకోణం వెనుక ఓ కేంద్రమంత్రి కుమారుడు ఉన్నారన్న ఆరోపణలు వెల్లువెత్తడంతో మరింత సంచలనంగా మారింది. ఈ సంఘటన పాకిస్థాన్‌లో చోటు చేసుకుంది.

పాకిస్థాన్‌లోని బ‌హ‌వ‌ల్‌పుర్ ఇస్లామియా యూనివ‌ర్సిటీలో ఈ దారుణ‌ ఘటన వెలుగులోకి వచ్చింది. ఈ ఇస్లామియా యూనివ‌ర్సిటీలో డ్ర‌గ్స్‌, సెక్స్ కుంభ‌కోణం జరిగినట్లు బయటికి వచ్చింది. ఆ యూనివ‌ర్సిటీలో చదువుతున్న విద్యార్థుల‌కు సంబంధించిన పోర్న్ వీడియోలు బయటికి వచ్చాయి. 5 వేల 500 వీడియోలు పోర్న్ వెబ్‌సైట్లలో దర్శనం ఇవ్వడం పాక్ వ్యాప్తంగా తీవ్ర చర్చకు దారితీసింది. ఈ ఘ‌ట‌న‌తో పాకిస్థాన్‌లో తీవ్ర ప్ర‌కంప‌న‌లు ప్రారంభమయ్యాయి. డ్ర‌గ్స్‌కు బానిసైన మ‌హిళా విద్యార్థినుల‌కు చెందిన ఈ పోర్న్ వీడియోలు వెలుగులోకి రావడంతో.. యూనివ‌ర్సిటీ సిబ్బంది నుంచి పోలీసులు ఆ వీడియోల‌ను స్వాధీనం చేసుకున్నారు.

ఈ ఘటన వెనుక డ్రగ్స్ ముఠాల హస్తం ఉన్నట్లు అధికారులు గుర్తించారు. యూనివర్సిటీలోని మహిళా విద్యార్థులకు డ్రగ్స్ అలవాటు చేసి వారిని డ్రగ్స్‌కు బానిసలు చేసినట్లు తేల్చారు. అనంతరం.. వారితో పోర్న్ వీడియోలు తీయించినట్లు వార్తలు వెలుగులోకి వచ్చాయి.

ఈ మొత్తం ఘటన వెనుక పాకిస్థాన్ కేంద్ర మంత్రి చౌద‌రీ తారిక్ బాషిర్ చీమా కుమారుడి ప్రధాన సూత్రధారిగా ఉన్నట్లు అదికారులు అనుమానం వ్యక్తం చేస్తున్నారు. అత‌డే డ్ర‌గ్స్ ముఠాలతో దందాకు పాల్ప‌డుతున్న‌ట్లు తెలిసింది. వారు అలవాటు చేసిన డ్ర‌గ్స్ కారణంగా వంద‌లాది మంది ఇస్లామియా యూనివ‌ర్సిటీలో చదువుకుంటున్న మ‌హిళా విద్యార్థులు సెక్స్ రాకెట్‌లోకి దిగుతున్న‌ట్లు అధికారులు భావిస్తున్నారు.

అయితే బ‌హ‌వ‌ల్‌పుర్ ఇస్లామియా యూనివ‌ర్సిటీకి పాకిస్థాన్‌లో ప్ర‌త్యేకమైన గుర్తింపు ఉంది. ప్రస్తుతం వెలుగు చూసిన సెక్స్ కుంభకోణంతో ఆ యూనివర్సిటీ భవిష్య్‌త్‌పై అనుమానాలు వ్యక్తం అవుతున్నాయి. యూనివర్సిటీ టాప్ సెక్యూరిటీ ఆఫీసర్ మేజర్ ఇజాజ్ షా వద్ద కొన్ని రకాల మందులతోపాటు డ్రగ్స్ లభించాయి. యూనివర్సిటీ విద్యార్ధులు, ఉద్యోగులకు చెందిన కొన్ని అశ్లీల వీడియోలు కూడా ఇజాజ్ వద్ద పోలీసులకు ల‌భించాయి. దీంతో అతడితోపాటు మరో ఇద్దర్ని అరెస్ట్ చేసుకుని విచారణ జరుపుతున్నారు. అయితే ఈ అత్యంత దారుణమైన ఘటన నుంచి తన కుమారుడిని రక్షించేందుకు.. పాక్ మంత్రి చౌదరీ తారిక్ బాషిర్ చీమా తీవ్ర ప్రయత్నాలు చేసినట్లు తెలుస్తోంది. దాదాపు 5 బృందాలుగా విడిపోయిన పాక్ పోలీసులు యూనివ‌ర్సిటీ మొత్తం గాలింపు చేపట్టి ద‌ర్యాప్తు చేశారు. ఈ త‌నిఖీల్లో వంద‌ల సంఖ్య‌లో పోర్న్ వీడియోలు లభించాయి.