విజయవాడలో హయత్‌ ప్లేస్‌ హోటల్‌ను ప్రారంభించిన సీఎం జగన్
Andhra Pradesh Telugu | Suryaa Desk | Published : Fri, Aug 18, 2023, 12:37 PM
ఆంధ్రరాష్ట్రాన్ని వరల్డ్‌ టూరిజం మ్యాప్‌లో నిలిపేందుకు ముందుకువచ్చే ప్రతి సంస్థకు చేయూతనిచ్చి ప్రోత్సహించడానికి రాష్ట్ర ప్రభుత్వం ఎప్పుడూ సిద్ధంగా ఉంటుందని ముఖ్యమంత్రి వైయస్‌ జగన్‌మోహన్‌రెడ్డి అన్నారు. రాష్ట్రవ్యాప్తంగా ప్రసిద్ధిగాంచిన ఇంటర్నేషనల్‌ హోటల్స్‌ రావాలని కోరుకుంటున్నామని చెప్పారు. విజయవాడ గుణదలలో నూతనంగా నిర్మించిన హయత్‌ ప్లేస్‌ హోటల్‌ను ముఖ్యమంత్రి వైయస్‌ జగన్ ప్రారంభించారు. అనంతరం హోటల్‌ చైర్మన్‌ వీరస్వామి, హయత్‌ ఇంటర్నేషనల్‌ గ్రూప్‌ ఏరియా ప్రెసిడెంట్‌ శ్రీకాంత్, చైర్మన్‌ వీరస్వామి తనయుడు కార్తీక్, ఈ ప్రాజెక్టులో మమేకమైన వారందరికీ సీఎం వైయస్‌ జగన్ హృదయపూర్వక అభినందనలు తెలిపారు. హోటల్‌ ప్రారంభం అనంతరం ఏర్పాటు చేసిన సభలో సీఎం వైయస్‌ జగన్ మాట్లాడుతూ.. విజయవాడలోనే కాకుండా ఆంధ్రరాష్ట్రమంతటా ఇటువంటి ప్రసిద్ధిగాంచిన హోటల్స్‌ రావాలని, వరల్డ్‌ టూరిజం మ్యాప్‌లో రాష్ట్రానికి ప్రత్యేకమైన స్థానం రావాలని ఆకాంక్షించారు. అందుకోసం మంచి టూరిజం పాలసీని తీసుకువచ్చామని, రాష్ట్రంలో హోటల్స్‌ స్థాపించే సంస్థలను ప్రోత్సహిస్తూ వస్తున్నామని చెప్పారు.
|
|