కర్నూలులో బెదురులంక టీం
Andhra Pradesh Telugu | Suryaa Desk | Published : Fri, Aug 18, 2023, 02:40 PM
కర్నూలు నగరంలో సినీ హీరో కార్తికేయ సందడి చేశారు. గురువారం అశోకా ఉమెన్స్‌ ఇంజనీరింగ్‌ కాలేజీ ఆడిటో రియంలో జరిగిన మూవీ ప్రమోషన్‌ కార్యక్రమంలో ఈ నెల 25న విడుదలకు సిద్ధమైన బెదురులంక-2012 మూవీ టీమ్‌ హీరో కార్తికేయ (ఆర్‌ఎక్స్‌-100 ఫేమ్‌) పాల్గొని విద్యార్థినులతో కలిసి డ్యాన్స్‌ చేసి, సెల్ఫీలు దిగారు. ఈ సందర్భంగా కార్తికేయ మాట్లాడుతూ తనకు కర్నూలుతో చాలా అనుబంధం ఉందని అన్నారు. గత కొద్ది సంవత్సరాలుగా అశోకా కాలేజీ సాధిస్తున్న విజయాలు, ప్లేస్మెంట్స్‌ గురించి వింటున్నామని, కాబట్టి మూవీ ప్రమోషన్స్‌లో భాగంగా తాము కర్నూలులోని అశోకా కాలేజీకి వచ్చామని తెలిపారు. అశోకా కాలేజీ చైర్మన్‌ అశోక్‌వర్దన్‌ రెడ్డిని కలిసి తమ సినిమా విశేషాలను కర్నూలుతో ఉన్న అనుబంధంపై చర్చించారు. ఈ కార్యక్రమంలో సినిమా టీమ్‌ బృందం, అశోకా కాలేజీ బీటెక్‌, ఎంబీఏ, ఎంసీఏ విద్యార్థులు, సిబ్బంది పాల్గొన్నారు.
|
|