చిక్కుల్లో అయ్యన్నపాత్రుడు, వెంకన్న,,,కేసు నమోదు చేసిన ఆత్కూరు పోలీసులు
Andhra Pradesh Telugu | Suryaa Desk | Published : Fri, Aug 25, 2023, 06:31 PM
టీడీపీ జాతీయ ప్రధాన కార్యదర్శి నారా లోకేష్ యువగళం పాదయాత్రలో భాగంగా.. గన్నవరం బహిరంగ సభ నిర్వహించిన సంగతి తెలిసిందే. ఈ సభలో ప్రసంగాలకు సంబంధించి తెలుగుదేశం నేతలపై ఆత్కూరు పోలీసులు కేసులు నమోదు చేశారు. మాజీమంత్రి పేర్ని నాని ఫిర్యాదు చేయడంతో పోలీసులు.. టీడీపీ నేతలు అయ్యన్నపాత్రుడు, బుద్దా వెంకన్నలపై విడి విడిగా కేసులు నమోదు చేశారు. ముఖ్యమంత్రిని ఆర్ధిక ఉగ్రవాది, సైకో, ధన పిశాచి, పనికిమాలినవాడు అంటూ విమర్శలు చేశారు. రంగుల రాణి రోజా మేకప్ చూస్తే రాత్రులు కూడా భయమేస్తుందంటూ అంటూ అయ్యన్నపాత్రుడు చేసిన వ్యాఖ్యలపై పోలీసులు కేసు ఫైల్ చేశారు. అయ్యన్నపై 153a, 354A1(4), 504, 505(2), 509 ఐపీసీ సెక్షన్ల కింద కేసు నమోదు చేయగా.. బుద్దా వెంకన్న పై 153, 153a, 505(2), 506ఐపీసీ సెక్షన్ల కింద కేసు నమోదైంది. గన్నవరం యువగళం బహిరంగ సభ వేదిక నుంచీ రెచ్చగొట్టే వ్యాఖ్యలు చేసారంటూ ఆత్కూరు పోలీస్ స్టేషన్‌లో మాజీ మంత్రి పేర్ని నాని ఫిర్యాదు చేశారు.
|
|