ట్రెండింగ్
ఐఎంఎఫ్‌ కార్యాలయంలో సందడి చేసిన ఏపీ విద్యార్థులు
Andhra Pradesh Telugu | Suryaa Desk | Published : Wed, Sep 27, 2023, 11:30 AM
అంతర్జాతీయ ద్రవ్య నిధి డిప్యూటీ మేనేజింగ్ డైరెక్టర్‌ గీతా గోపీనాథ్‌కు సీఎం జగన్ ధన్యవాదాలు తెలిపారు. ఏపీ నుంచి వెళ్లిన విద్యార్థులు ఐఎంఎఫ్‌ కార్యాలయంలో సందడి చేశారు. వాళ్లను ఆహ్వానించి ముచ్చటించినందుకుగానూ సీఎం వైయ‌స్ జగన్ ఎక్స్‌ వేదికగా స్పందించారు. ‘‘మా పిల్లలను కలుసుకున్నందుకు, సాదరంగా వాళ్లను ఆహ్వానించినందుకు గీతాగోపినాథ్‌ గారికి థ్యాంక్స్‌. వాళ్ల చిరునవ్వులే ఆ విషయాన్ని చెబుతున్నాయ్‌’’ అని సీఎం జగన్ ట్వీట్‌ చేశారు. ‘‘చదువు అనేది వ్యక్తిగత జీవితాలను మార్చడమే కాకుండా మొత్తం సమాజాన్ని మార్చడంలో అతిపెద్ద ఉత్ప్రేరకం అని నేను నిజంగా నమ్ముతున్నాను. మా పిల్లలే ఇందుకు నిదర్శనం. అంతర్జాతీయ వేదికపై మన రాష్ట్రాన్ని ఎంతో గర్వంగా, ఆత్మవిశ్వాసంతో ప్రాతినిధ్యం వహిస్తున్న పిల్లలను చూసినప్పుడు నేను గర్వంతో నిండిపోయాను!’’ అని పోస్ట్‌ చేసారు.
|
|