నారా భువనేశ్వరి బస్సు యాత్ర,,,రాయలసీమ నుంచి మొదలు?
Andhra Pradesh Telugu | Suryaa Desk | Published : Mon, Oct 02, 2023, 07:35 PM
టీడీపీ అధినేత, మాజీ ముఖ్యమంత్రి చంద్రబాబు అక్రమ అరెస్టుకు నిరసనగా ఆయన సతీమణి భువనేశ్వరి ప్రజల్లోకి వెళ్లేందుకు సిద్ధమవుతన్నారనే ఊహాగానాలు వినిపిస్తున్నాయి. ఈ నెల 5న కుప్పం నుంచి 'మేలుకో తెలుగోడా' బస్సు యాత్ర చేసే ఆలోచనలో ఉన్నట్లు సమాచారం.ఈ మేరకు పార్టీలో ఆలోచన చేస్తున్నట్లు ఉన్నట్లు పార్టీ వర్గాల్లో ప్రచారం జరుగుతోంది. స్కిల్‌డెవలెప్‌మెంట్ కేసులో కోర్టుల్లో వచ్చే ఉత్తర్వులకు అనుగుణంగా తుది నిర్ణయం తీసుకునే అవకాశం ఉందంటున్నారు.
ఈ 5 నుంచి యాత్ర ప్రారంభమైతే మొదట రాయలసీమ జిల్లాల్లో పర్యటించేలా షెడ్యూల్ సిద్ధం చేయాలాని భావిస్తున్నారట. చంద్రబాబు అరెస్టు నాటి నుంచి భువనేశ్వరి రాజమహేంద్రవరంలో పోరాటం చేస్తున్నారు. వివిధ మార్గాల్లో నిరసన తెలియజేస్తున్న కార్యక్రమాలకు హాజరై కార్యకర్తలకు అండగా ఉంటున్నారు. అలాగే ఇవాళ ఒకరోజు నిరసన దీక్ష ప్రారంభించారు. సాయంత్రం వరకు ఈ దీక్ష కొనసాగనుంది.. అలాగే జైల్లో చంద్రబాబు, ఢిల్లీలో నారా లోకేష్ కూడా నిరాహార దీక్షలు చేస్తున్న సంగతి తెలిసిందే.
మరోవైపు నారా లోకేష్ కూడా యువగళం పాదయాత్ర ప్రారంభించాలని భావించారు. సెప్టెంబర్ 29న రాత్రి 8.15 గంటలకు యాత్ర మొదలు పెట్టాలని నిర్ణయం తీసుకున్నారు. కానీ మరికొన్ని రోజుల పాటూ ఢిల్లీలోనే లాయర్లతో పర్యవేక్షణ, చర్చించాల్సిన విషయాలు ఉండటంతో వాయిదా వేసుకోవాలని నిర్ణయం తీసుకున్నారు. ఈ క్రమంలో నారా భువనేశ్వరి బస్సు యాత్రకు ప్లాన్ చేస్తున్నట్లు తెలుస్తోంది.
|
|