పవన్, బీజేపీ పొత్తుపై స్పందించిన పురందేశ్వరి
Andhra Pradesh Telugu | Suryaa Desk | Published : Wed, Oct 04, 2023, 01:33 PM
జనసేన అధినేత పవన్ కళ్యాణ్ చేసే ప్రతి కామెంటుపై తాను స్పందించాల్సిన అవసరం లేదని ఏపీ బీజేపీ అధ్యక్షురాలు పురంధేశ్వరి వ్యాఖ్యానించారు. మంగళవారం నాడు బీజేపీ పార్టీ కార్యాలయంలో కోర్ కమిటీ సమావేశం అయింది. ఈసందర్భంగా పురంధేశ్వరి మీడియాతో మాట్లాడుతూ..‘‘పొత్తులపై పవన్ ప్రకటన.. ఆయన అభిప్రాయాలను జాతీయ నాయకత్వం దృష్టికి తీసుకెళ్తాం. పొత్తులు.. పవన్ కామెంట్ల విషయంలో జాతీయ పార్టీ సూచనల మేరకు వ్యవహరిస్తాం. ప్రస్తుతం పవన్‌తో పొత్తు కొనసాగుతుందా..? లేదా..? అనే అంశం పైనా జాతీయ నాయకత్వమే చెప్పాలి. పొత్తులపై పవన్ తన అభిప్రాయాన్ని చెప్పారు. మా అభిప్రాయాన్ని జాతీయ నాయకత్వమే చెబుతుంది. మాది ప్రాంతీయ పార్టీ కాదు.. జాతీయ పార్టీ. మండల ప్రవాస్ కార్యక్రమంలో భాగంగా పార్టీ బలోపేతం కోసం కృషి చేశాం. త్వరలో రాష్ట్ర కార్యవర్గం సమావేశం జరుగుతుంది అని పురంధేశ్వరి పేర్కొన్నారు.
|
|