చంద్రబాబుకు స్కిన్ అలర్జీ ఉంది,,,, వైద్యుల కీల నివేదిక

స్కిల్ డెవలప్మెంట్ స్కాం కేసులో భాగంగా.. రాజమండ్రి సెంట్రల్ జైలులో జ్యుడీషియల్ రిమాండ్‌లో ఉన్న ఏపీ మాజీ సీఎం చంద్రబాబు ఆరోగ్యం విషయంలో రకరకాల వార్తలు ప్రచారమవుతున్నాయి. కాగా.. ఈ వార్తలన్నింటికీ చెక్ పెట్టేందుకు.. ప్రభుత్వ వైద్యులతో కీలక నివేదికను విడుదల చేపించారు జైలు అధికారులు. అయితే.. చంద్రబాబు కేవలం చర్మ సంబంధిత అనారోగ్యంతో బాధపడుతున్నారని ప్రభుత్వ వైద్యులు వివరించారు. ఐదుగురు వైద్యులతో కూడిన బృందం మరోసారి చంద్రబాబును పరీక్షించారు. చంద్రబాబు ఛాతీ, చేతులు, మెడ, గడ్డం, వీపు లాంటి భాగాల్లో దద్దుర్లు వచ్చినట్టు గుర్తించారు. అయితే.. చంద్రబాబును ఆస్పత్రికి తరలించాల్సిన అవసరమేమీ లేదని.. ఆయన ఫిజికల్‌గానే కాకుండా మెంటల్‌గానూ యాక్టివ్‌గానూ ఉన్నారని తెలిపారు. చంద్రబాబు 67 కిలోల బరువు ఉన్నారని వెల్లడించారు. అయితే.. చంద్రబాబుకు చల్లని వాతావరణం ఉండేలా చూసుకోవాలని సజ్జెస్ట్ చేశారు. అంతేకాదు.. మెడికేషన్ కూడా ప్రిస్ర్కైబ్ చేసినట్టు తెలిపారు.

తాము ఇచ్చిన మందులు కూడా చంద్రబాబు వ్యక్తిగత వైద్యులను సంప్రదించిన తర్వాతే వాడుతున్నారని వైద్యులు తెలిపారు. చంద్రబాబుకు ఉన్న స్కిన్ అలర్జీకి.. ఆయన వ్యక్తిగత వైద్యులను సంప్రదించిన తర్వాతే ట్రీట్‌మెంట్‌ ఇచ్చినట్టు చెప్పుకొచ్చారు. అయితే.. రిమాండ్‌కు ముందు చంద్రబాబుకు ఎలాంటి వ్యాధులు ఉన్నాయో తమకు తెలియదని.. ఆయన ఇప్పటికే వాడుతున్న మందులను చూపించినట్టు తెలిపారు. అయితే.. చంద్రబాబుకు స్టెరాయిడ్స్ ఇస్తున్నట్టు వస్తున్న వార్తలను వైద్యులు కొట్టిపారేశారు. చంద్రబాబు ఆరోగ్యానికి సంబంధించిన నివేదికను జైలు అధికారులకు అందించినట్టు తెలిపారు.

అయితే.. వైద్య బృందం ఇచ్చిన నివేదికను కోర్టుకు సమర్పించనున్నట్టు జైళ్ల శాఖ డీఐజీ రవికిరణ్ తెలిపారు. తమపై వస్తున్న వార్తలకు ఖండించిన డీఐజీ.. చంద్రబాబు ఆరోగ్యం పట్ల ఎలాంటి నిర్లక్ష్యం వహించట్లేదని చెప్పుకొచ్చారు. చంద్రబాబుకు 24 గంటల పాటు వైద్యం అందిస్తామని స్పష్టం చేశారు. చంద్రబాబుకు అన్ని వేళల అధికారులు అందుబాబులో ఉంటున్నారని.. అన్ని రకాల భద్రతా చర్యలు తీసుకున్నామని వివరించారు. ప్రభుత్వ వైద్యుల బృందం.. బాబు వ్యక్తిగత డాక్టర్లతో మాట్లాడినట్టు చెప్పారు. ఆ వ్యక్తిగత వైద్యులు సూచిస్తే అవసరమైన పరీక్షలు నిర్వహిస్తామని చెప్పుకొచ్చారు. అయితే.. బయట వాతావరణానికి జైలు వాతావరణానికి తేడా ఉంటుందని తెలిపారు. బాబుకు చల్లని వాతావరణం కల్పించటం విషయంలో కోర్టు చేసే సూచనలు బట్టి.. చర్యలు తీసుకుంటామని తెలిపారు డీఐజీ. మరోవైపు... చంద్రబాబు ఆరోగ్యంపై రకరకాల వార్తలు ప్రచారం జరుగుతున్నాయి. ప్రభుత్వ వైద్యుల నివేదికను దాచేసి.. జైలు అధికారులు కేవలం స్కిన్ అలర్జీ ఉన్నట్టు చెప్తున్నారని ప్రచారం చేస్తున్నారు. మరోవైపు.. బాబు తీవ్ర అనారోగ్యంతో బాధపడుతున్నారంటూ వార్తలు వస్తున్నాయి. దీంతో.. ఈ వార్తలకు చెక్ పెట్టేందుకు.. బాబు వ్యక్తిగత వైద్యుల సమక్షంలోనే ప్రభుత్వ వైద్యులతో జైలు అధికారులు నివేదిక ఇప్పించారు.