ట్రెండింగ్
తిరుపతిలో గంజాయి విక్రయిస్తున్న వారిని అరెస్ట్ చేసిన పోలీసులు
Andhra Pradesh Telugu | Suryaa Desk | Published : Sat, Oct 21, 2023, 02:33 PM
తిరుపతిలోని కొరమేనుగుంట, చింతలచేను ప్రాంతాల్లో గంజాయి విక్రయిస్తున్నట్లు వచ్చిన సమాచారం మేరకు ఈస్ట్‌ పోలీసులు నిఘాపెట్టారు. చింతలచేను రామతులసి కల్యాణ మండపం వద్ద తిరుగుతున్న జీవకోనకు చెందిన వి.జగదీష్‌, తాతయ్యగుంటకు చెందిన ఎస్‌.మదన్‌గోపాల్‌, యోగిమల్లవరానికి చెందిన కబాలిని అదుపులోకి తీసుకుని తనిఖీ చేయగా 4 కేజీల గంజాయి లభించింది.అలాగే కొరమేనుగుంట ప్రాంతంలో తిరుచానూరుకు చెందిన జి.కృష్ణ, చింతకాయలవీధికి చెందిన వై.యువరాజ్‌, వెంకటగిరి నియోజకవర్గం బాలాయపల్లి మండలం, వెంగమాంబపురానికి చెందిన పి.నాగార్జున, బాలాయపల్లి మండలం యాచవరానికి చెందిన ఆర్‌.నరసింహనాయుడిని అదుపులోకి తీసుకుని తనిఖీ చేయగా 3 కేజీల గంజాయి దొరికింది. నిందితులపై కేసు నమోదు చేసి, రిమాండ్‌కు పంపించారు.
|
|