భార్యకు ఐటీ ఉద్యోగి వేధింపులు,,,,కేసు నమోదు చేసిన పోలీసులు
Andhra Pradesh Telugu | Suryaa Desk | Published : Mon, Oct 30, 2023, 10:24 PM
విజయవాడ సమీపంలో అదనపు కట్నం తేవాలని, ఆస్తులను తన పేరుపై బదిలీ చేయాలని భార్యను వేధిస్తున్న సాఫ్ట్‌వేర్‌ ఇంజినీర్‌తో పాటూ అతడి కుటుంబ సభ్యులపై పోలీసులు కేసు నమోదు చేశారు. తాడిగడపకు చెందిన షేక్‌ ఖాదర్‌బీ, యనమలకుదురుకు చెందిన అబ్దుల్‌ కరీముల్లాలకు 2016లో వివాహం జరిగింది. వీరిద్దరూ సాఫ్ట్‌వేర్‌ ఇంజినీర్లు కాగా.. హైదరాబాద్‌ మదీనాగూడలో కాపురం పెట్టారు. అప్పటి నుంచి భర్త అనుమానంతో భార్యను వేధిస్తున్నాడు.. మద్యం తాగి వచ్చి దాడి చేసేవాడు.
అర్ధరాత్రి వరకు మొబైల్‌లోలో క్రైం సినిమాలు చూడటం, భార్యను నిద్రలేపి నిత్యం సహ ఉద్యోగులతో ఎలా మాట్లాడేది, విధులు ఎలా నిర్వహించేది చూపించాలంటూ విసిగించేవాడు. ల్యాప్‌టాప్‌ తీసి ఆ సంభాషణలను చూపమంటూ వేధించేవాడు. భార్య జీతం రూ.80 వేలు తీసుకొని ఖర్చులకు మాత్రం రూ.వెయ్యి ఇచ్చేవాడు. భర్త పెట్టే వేధింపులతో ఆమెకు అబార్షన్‌ కూడా అయింది. ఈ మధ్య హౌసింగ్ లోన్ కూడా కట్టాలంటూ ఆమెను వేధించాడు. ఇలా ఆమెను టార్చర్ చేశాడు.
ఇదంతా తెలిసినా యువతి అత్తమామలు, ఆడపడుచు భర్తకు వంతపాడారు. తాము చెప్పినట్టు వింటేనే కాపురమని లేనిపక్షంలో పుట్టింటికి వెళ్లిపోవాలంటూ ఈ నెల 7న పంపేశారు. బాధితురాలి ఫిర్యాదుతో భర్త కరీముల్లా, అత్తమామలు మున్నీర్‌, ఖర్షీద్‌బీబీ, ఆడపడుచు అయేషాబేగంలపై పెనమలూరు పోలీసులు ఆదివారం కేసు నమోదు చేసి దర్యాప్తు చేస్తున్నారు. పూర్తి వివరాలు తెలియాల్సి ఉంది.
|
|